Warbixin iyo Cabasho

Halkaan waxaan kusoo gudbinayaa war baxin iyo cabasho, anigoo ah shiikh Muxayidiin sh. yuusuf Barre 

gudoomiyaha jamciyadda Alixsaan.

Warbixin:


Waxaan ka bilawnay dhadhaqaaqa waxabashada gobalka Mudug taariikhdu

markay ahayd 1999 ayadoo si rasmi ah aanu uga furnay dugsigii ugu 

horeeyay ee aas aasi ah oo layiraaho Al-Bader taariikhdu markay ahayd

20/12/2001.

Ayadoo waxbarasho tayo leh aysan ka jirin magaalada Gaalkacyo kaliya

waxaa jiray dugsi yar oo la oran jiray Nawawi , Intaa waxii ka dambeeyay

waxaa soo kordhayay dadaalka waxbarashada ee Gaalkacyo iyo dagmooyinka

ku xeeran, dugsiga AL-Bader ayaa waxuu noqday dugsigii ugu horeeyay oo ay kasoo

baxaan arday wadata shahaado dugsi dhexe oo u diyaar ah inay helaan meel ay kusii 

wataan axbarshada dugsiga sarre nasiib daro uma suurtoobin inay ka helaan deegaankooda 

waxbarashada ay u baahnaayeen Kadibna waxay aadeen magaalda Muqdisho.

Intaa kadib waxaan ku guuleysanay taakhikhdu markay ahayd 01/08/2007

Inaan furno dugsigii ugu horeeyay ee dugsi sare ah kaas oo la yiraahdo SYL,

Sidoo kale dugsigaas waxuu noqday dugsigii ugu horeeyay ee ay ka sobaxaan arday wadata 

shahaado dugsiga sare oo rajo kaqabta waxbarasho jaamacadeed.

Intaas wixii kadanbeeyay jamciyada Al-ixsaan waxay ku talaabsatay hormar dhanka waxabarashada

ah oo balaaran ayadoo maraysa hada 10 dugsi quraan oo ay dhigtaan arday ka badan 800 oo arday 

iyo 5 dugsi hoose dhexe iyo hal dugsi sare oo ay dhigtaan arday gaaraya 750 arday. 

Halkaas ayaan rabaa inaan ku hakiyo warbixinta anigoo soo koobaya,ayadoo waliba ay jiraan 

caqabado badan oo nooga imaanaya gudaha iyo dibada. Marabo inaan ku dheeraado caqabadahaas 

iyo taariikhda waxbarashada gobolka.


Cabasho:

Waxaa dhacay taariikhdu markay ahayd 11/06/2011 saacaduna kubeegneed 9:00am in lagu qabtay 

dusiga AL shacab kulan lagu sheegay in uu yahay siminaar loogu talagalay ardayda dugsiyada sare 

ee Galmudug.

Galmudug waxaa ku yaalla 3dugsi sare oo kal ah SYL, MUDUG iyo ALSHACAB

Marka cabashadu waxay tahay arimaha soo socda:

1. Faragalin lagu sameeyay maamulka dugsiga sare ee SYL ayadoo loo
   
   magacaabay maamul aan dugsigu wax shuqul ah ku lahayn kaas oo ay
   
   magacaabeen shaqsiyaadkii qabtay kulanka.
   
   

2. Ayadoo aan wax xiriira lala soo sameyn jamciyadaha dugsigu hoos yimaado
   
   iyo maamulaha dugsiga toona .
   
   

3. Waxaa jidka laga soo qab qabtay qaybo ka mid ah ardayda dugsiga SYL
   
   waxaana lagu yiri waxaa laydin barayaa Computer iyo caafimaad muddo
   
   laba bilood ah markay tageenna waxaa lugu yiri waxaa laydiin qabanayaa
   
   siminaar 25 bari ah oo lagu baranayo caqiidada iyo barnaamijyo kale.1*
   
   

4. waxaan u aragnaa dhamaan arimaha aan kor ku soo xusnay faragalin
   
   ku saabsan maamulka dugsiga sare ee SYL iyo isku dir maamulka iyo
   
   macalimiinta dugsiga iyo abuuris qas iyo iska horkeen maamulka iyo
   
   ardayda SYL ayadoo la ogyahay waxyaabaha maantay dalka kajira oo
   
   ku saabsan da’ yarta waxbaranaysa iyo dagaalada socda taasoo abuuri
   
   karta fikrado Qatar ah oo saamayn kuyeesha gobolka.
   

cabashadaa waxaan u soo gubinayaa dhamaan bulshada reer Galmudug dal

iyo dibad iyo cida qabatay kulanka iyo meesha lamu qabtay cidda gacanta ku haysa.

anirtaas waxay dib noo xasuusinaysaa dhacdooyin tan oo kale ah oo ka dhacay gudaha 

bahda waxbarashada Galmugud oo ay ka mid ahaayeen Dugsiga hada layiraahdo Al shacab 

markii dhismihiisa la bilaabay waxaa gobolka ka jiray sadex dugsi sare oo kala ahaa SYL, MUDUG ,

 ALSHACAB waxaana la kulanay dadkii dhismaha waday waxaana kula talinay labo arimood midood:

• In dugsiyada sare ee hada kirada ku jira laysugu keeno maamulka iyo
  
  macalimiintana loo tartamo oo ay maamulaan macalimiina ka noqdaan
  
  dadkii kusoo baxa tartankaas.
  
  

• Taas haday suurto gali wayso in uu noqdo dugsigu goob ay gacanta ku
  
  hayaan jaaliyada dibada kana madaxbanaan dugsiyada sare looguna
  
  faa’ideeyo Ardayda kasoo baxda dugsiyada sare si ay u sii wataan
  
  waxbasarasha kasaraysa heerka dugsiyada sare.

Nasiib daro ma dhicin labadaa arimood midkoodna balse waxaa dhacay in

lagu qoray magaca mid ka mida dugsiyadii horay u jiray laguna wareejiyay

furayaashii dhismaha, Ayadoon laga talagalin bahda waxbarashada gobolka.

Waxaa dhacay markii la furayay dugsigaas inaan kamid ahaa dadkii loo keenay 

casuumada ka soo qeyb galka furitaanka dugsiga waxaase dhacday in dib la iisoowacay 

oola yiri kama soo qayb gali kartid markaan waydiiyayna wax macquula la iima sheegin 

waxaan u arkayay inay arintu tahay midab takoor kaliya. 2*

waxaan aasaasnay sanadii 2008 jaamacadda layiraahdo Mudug University anagoo

gadnay dhulkii, samaynayna dhagax dhig ay ka qayb galeen masuuliyiinta ugu saraysa Galmudug

iyo waziiro iyo xildhibaano ka tirsan dowladda TFG markaa kadib waxaa soobaxay dhaqdhaqaaqa 

jamaacadda Gaalkacyo waxaan isku daynay inaan midayno labada jaamacadood si ay u noqdaan kuwo

taya leh waxaanan la tagnay ilaa heer wazaaradeed, heer Madaxwayne nasiib darro waxba kama 

suurta galin ayadoo aydiideen walaalaha jaamacada Gaalkacyo intaa kadib waxaa dhacay in ay naga 

soo gaartay dhinaca kale dacaayad aflagaado iyo iftire nooga imaanaysay dadka taageera ama maamula 

jaamacadda oo ku kala sugnaa gudaha iyo dibadda gaar ahaan UK arintaas oo gaartay faragalin xaga ardayda ah.

Waxaan rabaa warkayga in aan kusoo koobo, waxaa jira xad gudubyo farabadan iyo qas xagga waxbarashada 

ah oo ka jira gobolka kana socda gudaha iyo dibadda waxaan ku talinayaa ha laga daayo colaadda laga

abuurayo gudaha bahda waxbarashada.

wabillaahi towfiiq

sh Muxyidiin sh Yuusuf Barre

Waxaan Jeclahay inaan Halkaan ka cadeeyo Dhamaan Hadallada Sheekh Muxyadiin ku soo gudbiyay Warbixintiisa ay Yihiin kuwa Sax ah oo aan innaba Wax khalad ah laheyn ma been abuur ah dhibaatadaas jirta oo aan indhaha ka qarsannay ay hadda sii korortay , waxaanse rabaa inaan ku Hadlo qodobo aan anigu kala hadlay Shaqsiyaad ka mid ah kuwa Taageera qas wadayaalka Fitnada kula dhex jira bulshada Reer GalMudug Gaar ahaan Bahda Waxbarashada khaasatan kuwooda Reer Canada oo aan aqoon durugsan u leeyahay.

• Arinta Xafladda Furitaanka Iskuulka Alshacab oo Shiikha inta Casuumaad loo fidiyay Haddana lagala noqday waa mid Sax oo jirtay, Waxaana ku soo bandhignay Wararkii Mudug oo uu Wariye Abwaan Calideeq Maxamed Xaashi Waqtigaasi noo soo diray, weliba Shiikhu isku ma aanu ceebeeyn inuu tago Waxaase dhacday in Xafladaas iyada ah uu ka qeyb galay Wasiirkii Arimaha Gudaha iyo Amniga GalMudug ee Xilligaas Colonel Muxyadiin Macallin Cali oo ka mid ahaa Marti sharaftii lagu casuumay Xafladda nasiib darrase loo sheegay inuu iskaga tago Goobta oo aysan Rabin inuu madasha Soo  Fariisto, isagoo si xushmad leh uga dhaqaaqay wax muran ahna ka keenin.

Cabdirisaaq Cadde Siyaad
Tifatiraha MudugNet
Toronto, Canada