Safarkii MudugNet ee Magaalo Xeebeedka Hobyo Galmudug State

Gaalkacyo 8da Setembar, 2010.

Daawo Sawirada By.Wariye Cabdalle

 

Wariyaha Gobolka Mudug Gaar ahaan Galmudug ee Warbaahinta Muudgnet.com Cabdalle Max’d C/lle ayaa Dhawaan Waxa uu Safar Sahqo ugu Baxay Magaalo Xeebeedka Hobyo ee Galmudug oo ah Magaalo Qadiimi ah isla Markaana fac weyn.
 

 

Magaalada Hobyo waxay 160 KM Ujirtaa Magaalada Gaalkacyo ee Xarunta Galmudug Waxaana Labada Magaalo udhexeeya Deegaano Badan waa Marka laga Hadalayo Wadada Tooska Uga Baxda Galakacyo waxay Sii Martaa Tuulooyin yar yar iyo kuwo waa weyn oo ay ka mid Yihiin Cel-Guula &Wisil oo ah Degmooyin hoos taga Gobolka Hobyo ee Galmudug State

 

Wadada isku Xirta Gaalkacyo iyo Hobyo Waa Mid Jid Cadde ah oo aan Laami ahayn Sida la Wada Ogyahayba Waxaana Wadada ay tahay Mid Marxalado Badan leh marka aad ku Safrayso Waayo Waxaa Gaariga uu yahay Mid Xili ku Socda Xawli Sareeya Waa Marka ay Wadada noqoto Ciid aan Badanay Amase Jay aan dhagx Badan lahayn Marna Waxaa Gaariga uu yahay Mid ku Socda Gayrka loo yaqaan Suguntada oo dhagx Badan wadada tahay waxa jira Mar Gaariga uu Galayo Ciid badan oo uu Bahaan yahay in Gayr Culus uu ku socdo Ama Ritooto Wadaha Gaariga Darwal kasta oo uu yahay waa mid ku daalaya Wariye Cabdalle Ahaan Waxaan ahaa Sikin Darwal oo mar mar aan Darwalka Gaariga ka Badalayay

 

Wadada Waxa ugu liidata inta isku xirta Docol iyo Wargalo iyo tan isku Xirta Gawaan iyo Ceelasha Saqiiro ilaa iyo Hobyo waana Wado Meelna dhagax ah meelan Ciid Bacad Ama Bacaad ah

 

Magaalada Hobyo Markaan Marxaladdeeda ka sheekayno Waa Magaalo Bulsho Badan Waxaana ka jira Ganacsi iska Caadi ah waxaa ka furan Dukaamo Gancsi &Maqaayado Xiliyada Habeenkii ah aad u shaqeeya Maadama ay Ramdaan ahayd Markaan Safarka ku taganay Magaalada Gancsigeeda Waxa uu ku tiirsn yahay Kaluumaysiga waxaana Loo beec Geeyaa Magaalada Gaalkacyo oo ay sidoo Raashinka Safrka iyo dharkaba looga Qaado

 

Dhanka Biyaha Hobyo Waa ay ka liidataa Ceel Matoorna Kuma yaal Waxaase Ceelkii loogu tala Galay Markii la Geeyay laga waayay meel uu qaban karo oo Biyo Macaan taasi oo Kaliftay in laga qodo meel u dhxaxaysa Gawaan iyo Saqiiro oo waxa badan ka fog Hobyo Qorshahana  yahay in Beeb Weyn dhulka La marsiiyo  lagu Gaarsiiyo Hobyo Waxaa Ceelkaasi Hir Galiayay  Hay’adda Galmudug Concern. Mid Ceelkaas ku Mataansan oo Gawaan loogu tala Galay waxaa Hir Galisay Hay’adda G.S.A. oo isna Hlkaasi Biyah looag soo jiidayo Sida ay noo Xaqiijiyeen  Waxgaradka Maamula Ceelashaasi

 

Bulshada Magaalada Hobyo Waxay Isticmalaan Ceelal Gacameedyo Biyo Macaan oo aan Sidaasi u badanayn Waxaana Biyaha ka Soo dhaamiya Gaari dameero oo ku iibsda qiimo dhan Konton kun oo shilka Soomaaliga ah Ceell Gacmeedka Hobyo Badankood Waa kuwo dhanaan ah Sida Badda oo kale WaxaanaLoo isticmaalo Adeegyo ay ka mid yihiin Myrashada & Dhaqidda Dharka ooKaliya Halka kuwa Macaan Cuntada lagu Karsado  

 

Magaalada Hobyo dhanka Caafimaadka waxaa ku yaal Xaruan Caafimaad MCH oo ay Hirgaliyeen Hay’addaha SOSDA & CISP oo ka Hawl Gala Deegaanada Galmudug State MCH-ka Hobyo waxaa uu qaabilaa Bukaan Socotada iyo Qaybta umilisada oo uu leeyahay Mana ahan mid kaafin kara Baahida Caafimaad ee Hobyo Shilalk dhaawacyada ah sida Xabadda oo akle waxaa loo soo qaadaa Isbitalka Weyn ee Magaalada Galkacyo oo Msf Holand Gacanta ku Hayso

 

Dhanka Wax Barashada Hobyo waxaa ku yiilay Dugsi Hoose Dhexe oo Caawinaad dhanka Agabka Waxbarashada iyo Mushaarka Macalimiinta ka Heli jiray Hay’adda SOSDA & Jaaliyadda Dibadda Qaar Waxaana Xiligaan uu yahay mid aan shaqayn taasi oo Timid  kadib Markii Mid ka mid ah Hay’adaha Galmuudg ka howl gala inay dhsime qurxoon ka Hirgaliso soo Bandhigtay waxaana Markii la Bur Buriayay dhisimihii Hore oo la Bilaabay Aaas Aaaskii Dhsimaha iskuulka  Kadib is qab qabsi uu dhex maray wax Gardka Deegaanka Hobyo Si Waliba ha ku yimaadee  waxaana Meesha ka baxay dhismihii iskuulka iyo Waxbarasahdii Ka socotayba Wax Garadka Deeganka oo Mudugnet Wax ka waydiisay waxay sheegan in Xalinta  Arintaasi ay Socoto

 

Magaalada Hobyo waxaad ku Arkaysaa dhsimooyin qadiimi ah oo ay Ciida qarisay taasi oo ay Sababeen Dabaylihii Sunaamiga ee ku dhufatay Xeebaha Sooomaaliya waxaana Arkaysaa Guryo Gabi Ahaanba Aaasmay iyo Taalooyin Taariiki ah oo Bur bur ku yimid aana Helin wax dayac tir ah  Sidoo kale Bur burka Magaalada ka muuqda waxaa qayb ka ahaa Dagaalo Beeleedyo Ka dhcay Gudaha Magaalada  Xeebta leh ee Hobyo

 

Magaalada Hobyo dhanka Isgaarsiinta Waxaa ka jira Hal Shirkad oo ah Hormuud Waxaana ay Bixisaa telfonada Gacanta ee Mobilka loo yaqaan Mana lahan mid Land lanka-ka ee Guryaha iyo Meheradaha kale la dhigto  Maaalada Hobyo shirkadda Hormuud oo mar dhaw laga Hir Gliayay ka hor Waxaa laga  Isitcimaali jiray Telfonka Gacanta ee Thoraya kaasi oo  Satellite-ka la Shaqeeya iyo Taararka Loo yaqaan Halow Halow.

 

Magaalada Hobyo Waxaa ka jira Shirkadaha Xawaaladaha Sida Dahabshiil, Qaran, Hodan Galobal, Amal, Aamaana, iyo Bakaal Waxaana ay dadku iskugu diraan Lacagaha Meel Waliba oo ay Aduunka ka joogaan

 

Hobyo Malahan Matoor toos Korontada Magaalada U siiya Waxayna dadka Badi istimaalaan Alaada loo yaqaan Soolar oo Badda laga helo dabkana qoraxada ka dhaliya Meelaha Qaar Waxay Shitaan Matooro u gaar ah Siiba  Maqaayadaha waxaana sidoo kale lagu istcmalaaa Jaar jarka Mobilada Gacanta oo lagaa qaadayo Qiime dhan Toban kun oo shilinka Soomaaliga ah

 

Magaalada Hobyo Waxaa ku yaal Hal Hotel oo lagu Macgaabo Hotel Ducaale Markii aan tagynay Hobyo waxaan Gaarigii dhignay Hotelka oo aan Rabnay inaan Degno Waxaanse ka Waynay Hal qool oo Banana oo waa Wada Buuxay Maamulaha Hotelka waxa uu noo sheegay in aysan Hayn qolol Banaan waxaana aan Degnay Guri uu leeyahay Mid ka mid ah Waxgaradka Hobyo oo lagu Macgaabo Shariif Wadaad Cadde oo aan ilaa 3Cisho Marti u ahayan si diirana noo Soo dhaweeyay

 

Magaalada Hobyo Waxaa lagu tiriyaa inay tahay Meelaha Fariisinka u ah Buracad Badeeda Soomalida in kasta oo aana Arag Meel Saldhig ay ku leyihiin Hobyo Marka laga Reebo Gawaari Qur qurxoon oo ay wataan Rag iyo dumarba  Hadana Waxaa Meel Umuuqata Xeebta Hobyo aad uga jeedaysaa Markab nooca Xamuulka ee waa wayn oo u afduuban Buracad Badeed Soomli ah  kaasi oo Lix Bilood ka horay ka soo qafaasheen Badweynta Hindiya waxaana Markabka iska leh Dawladda koofur Kuuriya Waxa uu sidaa Saliid Cayriin oo Ciraaq uu ka keenay una waday Marakaynka 24 Shaqaale ayaa Saaran  Waxaa Sidoo kel meel umuuqata MakabkA Taagan Doon yar oo iyana naloo sheegay inay Wado Kiimikaal Shaqaaleana Saaran yahay ayna kooxo Buracad Badeed ah horay ugu Hayteen Garacad  usoo Weeciyeen Hobyo

 

Marka laga Soo tago Dhalinyarada iyo Raga Maal Galiyaasha la yiraahdo oo Maraakiibta ay u xiran yihiin kuna  Xisaabtama waxa loo yaqaan Saamiyo iskugu jira Saami Sare Saami Dhexe Saami Badda ah Saami Biriga ah Waxaa Sidoo kale Magaalada Buux dhaafiyay dad weyen kale oo iskugu jira waa weyn iyo dhalinyro Rag & Dumar Waxayna kuu sheegayaan markaad la sheekaysato inay Sugayaan Shaxaad Markiibta Raga ay u xiran yihiin oo Asxaab  ama Ehelo la ah ay ubalan qaadeen

 

Mid kamid ah dhalinyrada Lacagta Shaxaadka lagu Sheego Sugaya Markaan sii waydiiyay lacagta Shaxaadka ah  ee uu Sugayo inta ka Horaysa qaabka uu ugu  nool yahay Hobyo Waxa uu igu Yiri “Ninka aan Shaxaadka ka Sugayo oo Markabka Saaran ama Saamiga ku leh  Waxa uu igala Balamay Maqaayd Cunto Meel aan Qaadka ka qaato Dukaan Dharka kii aan doono kaga labisto iyo Hotelka aan Jiifsanayo waxaana lagu soo dalacayaa ninka aan Sugayo’ Waxa uu ii sheegay Wiilkaasi dhalinyrada ah in dadak Sahxaadka Meesha ujooga oo ah ay Sidaasi yihiin

 

 Wiilka Dhlinyarada waxa uu i weydiiyay Su’aal Jawaabteeda aan Durba Soo qaban waayay taasi oo ahayd “Adiga Saaxiib  Ma Saami ayaad leedahay Mise Shaxaad ayaad Soo doonatay? Waxa uu ii sheegay in Hobyo dadka jooga Badankood ay Suagyaan Shaxaad oo ay ka yimaadeen Deegaano ay ka Mid tahay Muqdisho, Galkacyo, Xarardheere, Cadaado, Garacad, iyo Meelo kale oo Soomalaiya ah kadibna Dadk lacagta Shaxaadka Hela inay isku Badalaan Buracad Badeed oo ay Hub iyo Doonyo ku iibsadaan Ayuu iigu daray

 

Ugu danbaytiina Magaalada oo ay ku nool yihiin Kaluumaysato ayaa Subax Waliba Badda ku jarmaada Si ay uraadsadaan Nolol Maalmeedkooda Khayraadka Badda ah waxayna Sheegn in ay Xiliagn Badda dabaylo ay jiraan  oo waxa laga helo ay yar yihiin Walo ay dhawdahay Waqtigii Bad furanka Waxayna Cabasho Xoogan ka muujiyeen Marakiib iyo Ciidamo Shisheeye oo sheega inay Badda ujoogan La dagaalanka Burcada Badeeda Balse iyaga Kaluumaysato ahaan  dhibaato Ugaysta oo uu yaraaday Kaluumaysigii Xeebaha Degmada Hobyo ee Galmudug State

 

W/D/
 

Cabdalla Max’d Cabdulle

 

Mudugnet Galkacyo

 Galmudug SOMalia

+25290-752260

+25615-495000

Cabdalla45@hotmail.com