Abaabul dagaal oo maanta laga dareemayo Gudaha iyo Duleedka magaalada B/weyne ee Gobolka Hiiraan.
MudugNet, Muqdisho, Arbaco, 28ka Luulyo, 2010.
Dhaqdhaqaaq Ciidan iyo Abaabul dagaal ayaa laga soo sheegayaa gudaha iyo Duleedka magaalada B/weyne kaasoo ay wadaan Ciidamada dowladda iyo Kuwa xarakadda alshebab ee gacanta ku haaya maamulka magaalada.
Wararka ka imaanaya Gobolka ayaa sheegaya in ciidamo ka tirsan kuwa dowlada ay ka soo ruqaansadeen Xeryo ciidan oo ku yaala degaanadda Feer-Feer iyo Mustaxiil ee dhulka islaamuka Somalida Ethiopia,kuwaasoo ku soo wajahan dhinaca magaalada B/weyne,sida uu sheegay taliyaha Ciidamada Dowladda KMG Gobolka Axmed Inji.
Taliyihu waxa uu intaasi ku daray in qorshaha Ciidamada uu yahay sidii ay ula wareegi lahaayeen maamulka magaalada B/weyne.
Dhinaca kale waxaa magaalada B/weyne ka socda dhaqdhaqaaq Ciidan oo ay wadaan Xarakadda Alshebab iyadoo Ciidamada xarakada saakay baaritaano ay ka sameeyeen Qaar ka tirsan xaafaradaha magaalada B/weyne.
Mudugnet-News
