Muqdisho, Khamiis, 26ka August, 2010.
Golaha Wasiiradda Dowladda KMG oo maanta Kulan xasaasi ah ku yeeshay Magaalada Muqdisho 3 cisho ka dib qaraxii Hotel MUNA.
Golaha wasiiradda Dowladda ee soomaaliya ayaa maanta yeeshay kulan xasaasi ah oo looga hadlaayay Amaanka 3 cisho ka dib weerarkii Hotel MUNA oo ay ku geeriyoodeen in ka badan 30 qof oo 4 ka mid ah ahaayeen Xildhibaano ka tirsan Dowladda Soomaaliya.
Ra'iisulwasaare Cumar C/rashiid Sharmaarke oo gudoominaayay Shirka Golaha wasiirada ayaa sheegay in lagama maarmaan tahay sidii wax looga qaban lahaa sugida amaanka Xildhibaanadda iyo saraakiisha dowladda KMG si aysan u dhicin weerarkii Hotel MUNA oo kale.
Cabdi Xaai Goob Doon oo ah Afhayeenka Xukuumadda ayaa shirka Golaha wasiirada ka dib saxaafadda u sheegay in shirka warbixin looga dhageestay wasiirka Amniga Dowladda KMG C/salaan xaaji Aden oo ku saabsan wax ka qabashada xaalada amaanka magaalada muqdisho.
Kulanka Golaha wasiiraddaoo ahaa mid xasaasi ah isla markaana saacado badan socday ayaa ra'iisuwasaaraha Sharmaarke magacaabay Gudi si deg deg ah uga soo tala bixiya bixiya Amaanka kuwaasoo la tashi la samayn doono saraakiisha Ciidamada iyo taliyaasha.
Shirka golaha wasiiradda maanta ay ku yeesheen muqdisho ayaa yimid 3 cisho ka dib weerarkii ismiidaaminta ahaa ee lagu laayay in ka badan 30 ruux oo 4 ka mid ah ahaayeen mudanayaal ka tirsan baarlamanka soomaaliya, iyadoo tan iyo markii weerarkaasi dhacay Dowladda KMG bilowday kulamo iyo wadatashiyo ku saabsan ilaalinta Amaanka mas'uuliyiinta saraakiisha Dowladda.
Shacabka Degmooyinka Lagu dagaalmay oo bilaabay iney ka qaxaan Guryahooda.
Wadoooyinka iyo Goobaha laga raaco gaadiidka dadweynaha ee magaalada muqdisho waxaa saakay lagu arkayay dad ka soo qaxay degmooyinka ay dagaalada ka socdaan ee magaalada Muqdisho kuwaasoo ku siida Duleedka magaalada si ay uga badbaadaan xabada iyo madaafiicda sida Arxan la'aanta ah lagu garaacayo goobaha rayidka ah.
Degaanadda sida weyn looga barakacaayo waxaa ka mid ah Degmooyinka Wardhiiglay,Hodon,H/Wdaag iyo Degmooyinka waqooyi ee magaalada Muqdisho kuwaas oo si xoog leh u saameeyeen dagaaladda maalinta 4aad ka socda caasimadda ku dhex maraaya Ciidamada dowladda oo taageero ka helaaya Ciidamada AMISOM iyo xoogaga islaamiyiinta ee ka soo hrojeeda.
Dadka barakacaaya ayaa u suurtagashay saakay iney ka soo baxaan guyahooda ka dib 3 maalmood oo dagaalo aad u culus ay socdeen.
Dagaalada ka socda magaalada muqdisho dhibaatadda ugu badan waxa ay soo gaartay dadka shacabka ee aan waxba galabsan,iyadoo ay soo baxayaan baaqyo lagu dalbanaayo in la joojiyo dagaalka.
Iska horimaadyo Ciidamada dowladda iyo xoogaga Hubaysan xalay ku dhexmaray Degmada waaberi iyo Ex-Control Afgooye.
Saqdii dhex ee xalay waxaa dagaalo aad u culus Ciidamada dowladda KMG iyo Xoogaga ka soo horjeeda ku dhexmaray Degmada Ex-Control Afgooye iyo degmada Waaberi, iyadoo dagaaladaasi ay sababeen dhimasho iyo dhaawac.
Dagaalka oo la isku adeegsaday Hubka Culus iyo Madaafiic ayaa yimid markii Xoogaga islaamiyiinta weerareen fariisinka Ciidamada Dowladda.
Saraakiisha Ciidamadda ee fariisinka ku leh Ex-Control Afgoye ayaa intey iska caabiyeen kooxihii soo weeraray isla markaana ay qaar ka mid ah dileen.
Saakay waxaa Ex-control Afgooye lagu arkayay Meydka 2 ruux oo la sheegay iney ka mid ahaayeen ragii weerarka ku soo qaaday Ciidamada Dowladda.
Sidoo kale waxaa iska horimaad ku dhexmaray ciidamada dowladda iyo Xoogaga ka soo horjeeda degmada Waaberi, Ciidamada dowladda KMG ay saxaafadda u soo bandhigeen meydka Nin ay ku sheegeen inuu ka tirsanaa Kooxihii soo weeraray.
Weerarada xalay ka dhacay muqdisho waxa ay qalqal cabsi galiyeen shacabka oo ka baqa Madaafiicda xiligii habeenkii ah.
Dagaalo iyo Duqeyn maalintii 4aad ka socda magaalada Muqdisho ee caasimadda Soomaaliya.
Iska horimaadyo hubaysan iyo duqeynta Madaafiicda ayaa maalintii 4aad waxa ay ka socdaan Degmooyin ka tirsan Gobolka banaadir,iyadoo dagaalada maanta Xoogooda ay ka dhaceen degmooyinka Hodon,H/wadaag iyo wardhiiley.
5 ayaa ku geeriyootay 12 kalena waa ku dhaawameen dagaalada maanta oo ka qabow dagaaladii 3aad ee cisho la soo dhaafay ka dhacayay magaalada Muqdisho.
Iska horimaad ayaa ciidamadda Dowladda iyo Xoogaga mucaaradka ku dhex maray xaafado ka tirsan Degooyinka Hodon iyo H/wadaag,iyadoo tiro badan oo madaafiic ah ay ku dhaceen suuqa bakaaraha oo maalintii 3aad hakad ku yimid Howlihii ganaacsiga suuqaasi.
Waxa sidoo kale Xiran wadooyinka soo gala dhamaan Suuqa bakaaraha ee dhinaca wadada Makka Almukaramah, xili dad oo badan oo doonaya adeega Ciida soonfur aysan u suurta galin iney gaaraan suuqa.
Sidoo kale Degmooyinka waqooyi ee Magaalada Muqdisho ayaa laga soo sheegayaa inuu ka jiro dagaalo aad xoog lahayn marka loo eego maalmihii la dhaafay,waxaana dadka degaanka ka qaxayaan guryahooda si ay uga nabadgalayaan Madaafiicda iyo dagaalada.
Tiradda dadka ku dhintay dagaalada maalintii 4aad ka socda caasimadda soomaaliya ee muqdisho ayaa lagu sheegay 105 ruux halka dhaawaca ka badan yahay 200 oo dhamaantood ah dad rayid ah,iyadoo aan si dhab ah loo ogayn qasdaaraha kala gaaray dhinacyadda dagaalamaya.
Dowladda KMG oo warsaxaafadeed ka soo saartay dagaalada ka dhacaya magaalada Muqdisho.
Dowladda KMG ayaa maanta soo saartay warsaxaafeed ay uga hadashay dagaalada maalintii 4aad ka socada magaalada muqdisho kaasoo dhaxeeya Ciidamada dowladda oo taageero ka heliya Ciidamada AMISOM iyo Xoogaga islaamiyiinta.
Warsaxaafadeedkan soo baxay xafiiska wasiirka warfaafinta ayaa lagu sheegay in Ciidamada Dowladda
KMG iyo Kuwa AMISOM ay dileen 25 ka tirsan Xoogaga islaamiyiinta oo ay ku jiraan saraakiil sare,isla markaana ay dhaawaceen 70 kale.
Warsaxaafadeedka ayaa sidoo kale lagu sheegay in kooxaha ku soo duuly fariisimadda Dowladda iyo
kuwa AMISOM ay la kulmeen Guul daro,isla markaana Dowladda KMG ay sii wadi doonto dagaalka ay kula Jirto xoogaga ka soo horjeeda.
Iska horimaadyo Ciidamada dowladda iyo xoogaga Hubaysan xalay ku dhexmaray Degmada waaberi iyo Ex-Control Afgooye.
Saqdii dhex ee xalay waxaa iska dagaalo aad u culus Ciidamada dowladda KMG iyo Xoogaga ka soo horjeeda ku dhexmaray Degmada Ex-Control Afgooye iyo degmada Waaberi,iyadoo dagaaladaasi ay sababay dhinaso iyo dhaawac.
Dagaalka oo la isku adeegsaday Hubka Culus iyo Madaafiic ayaa yimid markii Xoogaga islaamiyiinta weerareen fariisinka Ciidamada Dowladda.
saraakiisha Ciidamadda ee fariisinka ku leh Ex-Control Afgoye ayaa iney iska caabiyeen kooxihii soo weeraray isla markaana ay qaar ka mid ah dileen.
saakay waxaa Ex-control Afgooye lagu arkay Meydka 2 ruux oo la sheegay iney ka mid ahaayeen ragii weerarka ku soo qaaday Ciidamada Dowladda.
Sidoo kale waxaa iska horimaad ku dhexmaray ciidamada dowladda iyo Xoogaga ka soo horjeeda degmada Waaberi, Ciidamada dowladda KMG ay saxaafadda u soo bandhigeen meydka Nin ay ku sheegeen inuu ka tirsanaa Kooxihii soo weeraray.
Weerarada xalay ka dhacay Muqdisho waxa ay qalqal cabsi galiyeen shacabka oo ka baqay Madaafiicda xiligii habeenkii ah.
