Muqdisho, Isniin, 23ka August, 2010.
Xubno Ka Socda Guddiga Dastuur u samaynta Soomaaliya oo Soo Gaaray Galmudug State
Xubno ka Socda Guddi loo xil Saaray Dastuur u samayanta Dalka Soomaaliya Saldhigoodana yahay Wadanka Jabuuti ayaa Galabta Soo Gaaray Magaalada Galkacyo ee Xarunta Galmuudg State
Xubnahaan Maanta Galkacyo Yimid oo la dejiyay M idka mid ah Hoteelada Galkacyo waxaa Socdaalkooda Saxaafadda Caawa qadka telfoonk uga Warbixiyay Wasiir Ku Xigeenka Wasaaradda Warfafinta Ahna Afhayeenka Galmuudg Axmed Baasto waxa uuna sheegay in wafdi badan oo ka soo Kicitimay jabuutii loo soo diray Maamulada Galmudug iyo Puntland isla Markaana qaybta Galmudug oo aqoon yahano ah ay Galabta yimaadeen Galkacyo mar la waydiiyay Baasto inay kulan la qaateen waxa uu sheegay in Manata ay ahayd soo dhaweyn Aqoon yahanada Guddiga ka yimid iyo dejinta Hoteelada Wixii bari ka bilawdana ay kulamo yeelanayaan Xubnaha Guddiga Dastuur usamaynta Soomaaliya iyo Mas’uliyiinta Dawlad Goboleedka Galmudug State
Cabdalla Max’d C/lle
Mudugnet Galkacyo
Galmudug State SOMalia
Dagaalo sababay qasaare aad u badan oo galabta ka qarxay caasimadda Soomaaliya ee Muqdisho.
Dagaalo sababay qasaare isugu jira dhimasho iyo dhaawac soo gaaray dad raydi ah ayaa galabta ka qarxay degmooyinka ka tirsan Gobolka Banaadir,iyadoo dagaaladaasi ay barbar socdeen Madaafiic lagu garaacay Goobaha rayidka ah.
Ugu yaraan 30 qof ayaa ku geeriyootay in ka badan 70 kalena dhaawac ka soo gaaray oo dhamaantood rayid ah dagaalo aad u qaraar iyo Duqeymo ka dhacay Degmooyinka Boondheere, C/casiis, Shibbis, H/wadaag iyo Hodon oo ka wada tirsan Gobolka Banaadir,iyadoo dagaaladaasi ay u dhaxeeyeen Ciidamada Dowladda oo ay wehliyaan Kuwa AMISOM iyo Xoogaga islaamiyiinta e ka soo horjeeda Dowladda KMG iyo Ciidamadda AMISOM.
Cali Muuse Cabdi oo ah Madaxa gaadiidka Gurmadka AMPLACE ayaa saxaafadda u sheegay in tiro ka badan 70 ruux oo qaba dhaawac ay gaarsiiyeen Goobaha caafimaadka ee Muqdisho laga soo bilaabo 5:00pm ee maanta ilaa iyo fiidki caawa.
Cali Muuse ayaa intaasi ku daray in shaqaalaha Gurmadka ay Arkeen Meydka in ka badan 20 ruux oo u badan Dumar iyo caruur ku geeriyootay Duqaymaha Madaafiicda.
Madaafiicda ayaa qasaaraha ugu badan ka geeystay Suuqa bakaaraha waxaana halkaasi ku geeriyooday Dumar badan oo ka ganaacsad dahabka iyo Dharka.
Xaalada Goobihii lagu dagaalamay ayaa caawa degan in kastoo mararka qaar la maqlaayo Rasaas goos goos iyo daryanka madaafiicda.
Xoogaga islaamiyiinta iyo Dowladda KMG ayaa guulo ka sheegtay dagaalka galabta ka dhacay Muqdisho.
Afhayeenka Alshebab ayaa sheegay in dagaalkii maanta dhacay ku qabsadeen fariisimo ay horey u fadhiyeen Ciidamada dowladda,dhinaca Dowladda KMG ayaa warkaasi lagu beeniyay.
Xarakadda Alshebab oo Iclaamisay dagaal ka dhan ah Ciidamadda dowladda KMG iyo Amisom.
Xarakadda Alshebab ayaa maanta Iclaamisay dagaal ka dhan ah ciidamadda dowladda KMG iyo Ciidamada AMISOM ka dib shir jaraa'id oo galabta saxaafada u qabtay Gudoomiyaha xarakadda Alshebab ee gobolka banaadir Sheikh Cali dheere.
Sheikh Cali dheere ayaa sheegay in laga Bilaabay maanta ay iclaamiyeen Dagaal ka dhan ah waxa uu ugu yeeray Cadowga islaamka ee ku soo duulay Dalka sida uu hadalka u dhigay.
"Waxaan iclaaminay dagaal jihaad ah oo lala galaayo cadowga waxaana Mujaahidiinta ugu baaqayaa iney weeraraan Goob kasta oo ay ku sugan yihiin ayuu yiri oo xiligii saxaafadda la hadlayay ku labisnaa labiska ciidamada Xarakadda isla markaana gacanta ku heestay Qori AK47.
Gudoomiyaha Gobolka banaadir ee xarakadda Alshebabg ayaa ugu baaqay shacabka Muqdisho iney Qotaan Godod iyo dhufeesyo ay kaga gabadaan Madaafiicda ciidamadda AMISOM iyo Kuwa Dowladda KMG.
Dagaalka maanta ay iclaamiyeen xarakadda Alshebab ayaa in mudo ah si weyn looga hadal haayay iney ciidamada alshebab ku qaadi doonaan Dowladda KMG iyo Ciidamada AMISOM.
Ururka Ahlu-sunah oo ka warbixiyay Shirkii magaalada Adis-Ababa ay kula yeesheen Dowladda KMG iyo Beesha caalamka.
Wafdiga Ururka Ahlu-sunah uga qeybgalay wadahadaladii ka dhacay magaalada Adis-Ababa ee xarunta dalka Ethiopia ayaa ka warbixiyay qodobadii looga hadlay shirkaasi iyo Natiijooyinkii ka soo baxay.
Sheikh C/laahi Abuu Yuusuf Alqaadi oo maanta shir jaraa'id ku qabtay Degmada Guri-ceel ayaa faahfaahin ka bixiyay shirka Adis-Ababa iyo waxyaabihii ay kala soo kulmeen Ururka Ahlu-Sunah.
Abuu Yuusuf Alqaadi ayaa sheegay in wafdiga Ahu-sunah ka socday ay Beesha caalamka iyo xubnihii ka socday Dowladda KMG kala hadleen qodobo ay ka mid yihiin Aragtida ay ka qabaan xal u helida mashaakilka dalka soomaaliya iyo sidii wax looga qaban lahaa.
Afhayeenka ayaa ku eedeeyay Dowladda KMG inysan Fulin qodobadii heshiiskii ay ku gaareen 15 bishii March dalka Ethiopia iyo shirkii magaalada Nairobi.
Abuu Yuusuf ayaa sidoo kale sheegay in beesha caalamka ay kala hadleen in Deeqaha iyo waxyaabaha kale ee Ururka Ahlu-sunah loogu tala galay aan loo soo marsiinin cid kale ee iyagu si toos ah gacanta loogu soo galiyo iyo in xogta si toos ah ay ula wadagaan Beesha caalamka.
Shirka jaraa'id ee Ururka Ahlu-sunah maanta ay ku qabteen ayaa saacado yar ka dambeeyay ka dib markii Dowladda KMG ka hadashay Shirka Adis-Ababa ee waxyaabihii ka soo baxay.
Maamulka Gobolka Banaadir oo soo bandhigay walxo Qaraxa oo laga soo saaray Qeybo ka mid ah Degmada X/jabjab.
Gudoomiyaha Degmada X/Jabjab C/Baasid Maxamed Xuseen ayaa maanta saxaafadda u soo bandhigay Walxo qarxa oo ciidamada Dowladda KMG ka soo qabteen qeybo ka mid ah Degmada X/jabjab ka dib Howlgalo maalintii labaad Ciidamada Dowladda KMG ay ka wadaan Degmooyinka X/jabjab iyo Waaberi.
C/Baasid oo saxaafadda u waramayay ayaa sheegay un Ciidamada Dowladda ku guuleeteen soo qabashada Miino aan wali qarxin oo la doonaayay in lagu dhibaateeyo shacabka soomaaliyeed sida uu hadalka u dhigay.
"Waxaa ciidamada ay soo qabteen Miino iyo qalab kale oo loogu tala galay in la fuliyo qaraxyadda ayuu yiri Gudoomiyaha Degmadda X/jabjab oo intaasi raaciyay in howlgalka lagu soo qabtay Nin lagu tuhunsan yahay inuu ku lugleeyahay Miinadaasi.
Howlgalkan maanta lagu soo qabtay Miinadan ayaa maalintii 2aad Ciidamo ka tirsan Dowladda waxa ay ka wadaan Degmooyinka Waaberi iyo X/jabjab,ka dib qaraxii ka dhacay Buundada Ansaloti ee Degmada Waaberi.
Shil baabuur oo sababay Dhaawac Arday School oo maanta ka dhacay wadada isku xirta Muqdisho iyo Afgooye.
Shil gaari oo sababay dhaawaca 5 ruux oo 3 ka mid ah yihiin Arday School ayaa Barqadii saakay ka dhacay wadada isku xirta Muqdisho Afgooye,ka dib markii ay isku Dhaceen labo gaari oo Nooca Mini Bus ah oo mid ka mid ah ay saarnaayeen Arday.
Goob jooge ayaa sheegay in shilka uu yimid ka dib markii mid ka mid baabuurta uu si xooli ah ugu dhacay mid kale oo taagnaa wadada.
Dadka ku dhaawacmay qaarkood oo xaaladooda aad u liidato ayaa la dhigay isbitaalada magaalada Muqdisho si halkaasio loogu daaweeyo.
shilalka baabuurta ayaa maalmihii ugu dambeeyay ku soo badanayay inta u dhaxaysa Muqdisho iyo Afgooye iyo 2 isbuul ka hor shil sababay dhimasho iyo dhaawac haalkaasi ka dhacay.
Deeq lacag iyo Raashiin oo la gudoonsiiyay dad ku dhibaataysan Muqdisho iyo Kismaayo.
Maamulka Xarakadda Alshebab ee gobolka Jubadda Hoose ayaa shalay Deeq raashiin ah u qeybiyay qoysas dan yar ah oo ku dhibaataysan degaano ka tirsan Jubbadda Hoose gaar ahaan magaalada Kismaayo.
Deeqdan oo isugu jirtay Raashiin kala duwan ayaa loogu tala galay in lagu afuriyo dadka masaakiinta ah waxana ka faa'ideysatay in ka badan 100 qoys oo ku nool magaalada Kismaayo sida ay sheegeen saraakiisha xarakadda Alshebab ee Gobolka Jubadda Hoose.
sidoo kale waxaa maalintii shalay ururka haweenka Dowladda KMG deeq lacag ah gaarsiiyeen dad barakacayaal ah oo ku nool xeryo ku yaala Degmada Shibis iyo Naafadda Ciidamadii Xooga Dalka Soomaaliyeed ee ku nool isbitaalka Martiini ee Magaalada Muqdisho.
Caasha Gees Deer oo ah gudoomiyaha haweenka ayaa lacag garaysa $1500 u qeybisay dadka barakacayaasha iyo naafadda Ciidamada Xooga,waxaana lacagta deeqda ay ka timid haween soomaaliyeed oo ku nool dalka Kuwiat.
Magaalada Muqdisho iyo Goboladda dalka qaarkood waxaa ka socda dadaalo lagu caawinaayo dadka masaakiinta tan iyo markii ay bilatay Bisha Ramadaan.
Dowladda KMG oo faahfaahin ka bixisay wadahadaladii magaalada Adis-Ababa ku dhex maray Dowladda iyo Ururka Ahlu-Sunah.
Kulan magaalada Muqdisho ay ku yeesheen golaha wasiiradda Dowladda KMG ayaa warbixin looga dhageestay wasiiradii ka qeybgalay shirkii ka dhacay Adis-Ababa ee dhex maray dowladda KMG iyo Ahlu-sunah.
Wasiirka warfaafinta dowladda KMG Ing C/'r5amaan Cumar Yariisow ayaa saxaafadda uga waramay warbixinta wasiiradda ka soo laabtay Adis-Ababa iyo heshiis mar ay kala saxiixdeen Ururka Ahlu-sunah iyo Dowladda.
Ing Yariisow ayaa sheegay in Dowladda iyo Ahlu-sunah ku heshiiyeen dhamaystirka heshiisyadii hore,in la isku daro ciidamada labada dhina,xoojinta iskaashiga Milatari ee dowladda iyo Ahlu-sunah iyo qodobo kale.
Wasiirka warfaafinta Dowladda KMG waxa uu beeniyay in Dowladda KMG wado ababul dagaal oo ay ku doonayso iney kula wareegto goobaha ay ka taliyaan Xoogaga islaamiyiinta ah ee ka soo horjeeda Dowladda KMG iyo joogitaanka Amisom,balse waxa uu tilmaamay in Dowladda Isdifaci doonto hadii la soo weeraro.
Shalay ayaa muqdisho waxaa dib ugu soo laabtay xubnihii dowladda KMG uga qeybgalay shirki 3 geesood ahaa ee magaalada Adis-Ababa,iyadoo wafdigasi uu hogaaminaayay wasiirka gaashaandhiga Abuukar mardaadi.
Xukuumadda Cumar C/rashiid oo sheegtay in dagaal kula wareegi doonto Goboladda ay ka taliyaan Xoogaga islaamiyiinta.
C/rashiid Maxamed Xidig oo ah wasiiruldowlaha Arimaha Gudaha Dowladda ayaa qalabka warbaahinta u sheegay in Ciidamadda KMG la wareegi doonto gobolada Koofureed ee dalka Soomaaliya oo ay ka taliyaan Xoogaga islaamiyiinta ee ka soo horjeeda Dowladda.
C/rashiid Xidig ayaa sheegay in ciidamada dowladda dhameystiranyihiin qalabkii ay ku howlgali lahaayeen, Militariga iyo booliskaba ay u sida uu hadalka u dhigay isla markaana ay la wareegi doonaan guud ahaan gobolada koofureed ee Soomaaliya.
Wasiiruldolwdaha Arimaha Gudaha ayaa riyo ku tilmamay Hanjabaadaha aka soo yeeraya kooxcaha mucaradka ee ku saabsan iney hordhin doonaan Weerarada ay ku hayaan Ciidamada Dowladda iyo Kuwa Amisom.
C/rashiid Xidig ayaa dhinaca kale sheegay in Dowladda KMG wax ka qaban doonto Amaan darida ka jirta Degmooyinka ay ka taliso Dowladda KMG oo mararka qar ay ka dhacaan Falal Amni dari ah.
Hadalka ka soo yeeray wasiirul dowlaha Arimaha Gudaha dowladda soomaaliya ayaa ku soo beegnya Xili si weyn loo hadal hayo Dulaan la sheegay in Dowladda iyo Ururka Ahlu-sunah ay ku yihiin Goboladda ay maamulaan Xoogaga Mucaaradka.
