Muqdisho Axad 22ka August, 2010.
Saraakiisha Ciidamada Galmudug & Wafdigii Galmudug ee Muqdisho ka yimid oo kulan ku yeeshay Xarunta Madaxtooyada Galkacyo.
Daawo Sawirada
Xarunta Madaxtooyada Dawlad Goboleedka Galmudug ee Magaalada Galkayo waxaa Manaata kulan ku yeeshay Saraakiisha Ciidamada Galmudug iyo Wafdigii Galmudug ee Muqdisho Safarka Shaqo kaga soo laabtay waxaana Kulanka sidoo kale Goob Joog ahaa Mas’uliyiinta Maamulka Gobolka Muudg iyo Qaar ka Tirsan Goalaha Wasiirada & Barlamanka Galmuudg State
Kulanka oo Mudo Saacado ah Xarunta ka Socday Albaabadana u xirnaayeen waxaa Gunaanadkiisii ka warbxiyay Axmed Baasto Kuxigenka Wasaaradda Warfaafinta Ahna Afahayeenka Galmudug State
“Maanta Waxaa Xrunta Madaxtooyada Dawlad Goboleedka Galmudug State Ku shiray Wafdigii ka yimid Muqdisho ee uu hor kacayay Madaxweyne Ku Xigeenka Md.Cabdi Samad Nuur Guuleed Wasiirka Maaliyadda C/laahi Jaamac Dhoore &Wasiir ku Xigenka Warfaafinta Axmed Baasto waxay Xarunta Madaxtooyada kula kulmeen Saraakiisha Ciidmada Dawlad Goboleedka Galmudug State oo ah Taliyaashoodii iyo Taliyaasha Guutooyinka Ciidamada Wafdigu Waxuu warbixin Siiyay Saraakiisha Ugana warmay Safarkii Bisha Qaatay ee Muqdisho &Kulamadii ay la Sameeyeen Madaxwenaha Dawladda Fedaralka Shekh Shariif iyo qybaha kale ee Dawladda Sidoo kalana Golayaashii dhaqanka Beelaha Hawiye Saraakiisha waxaan siinay Fariimihii aan ka waday Dawladda Somaliya waxaan kula dar daaranay Xoojinta Amniga in si weyna wax looga qabto Deegaanada Galmudug State
Waxaan kaloo Saraakiisha Farnay inay u istaagaan iygoon waxba ka hagranayn ahaana Ciidankii u dhaartay inay difaacayaan Deegaanada Galmudug inay laban laaban shaqada Amniga ay wadaan waayo Amnigu waa Furaha Nolosha Amnigu waa Salka lagu fariisto ayuu yiri Baasto
Oo intaasi ku daray “Deegaanada Galmudug waxay ku sugan yihiin amni buuxa Saraakiishana waxay balan qaadeen inay sii wadaan dadaalkooda wayna qaateen talooyinka aan siinay waxayna wacad ku mareen inay qaadanayaan Amarada ay faryaan Mas’uliyinta Sare ee Dawlad Goboleedka Galmuudg State” ayuu Hadalkiisa ku yiri Axmed Baasto oo ka warbixiyay kulanka Maanta ka dhacay xarunta Madaxtooyada Dawlad Goboleedka Galmuudg State ee Gaalkacyo
Cabdalla Max’d C/lle
Mudugnet Galkacyo
Galmudug State SOMalia
+25290-752260
Ganacsatadda Soomaalida ee dalka Zambia oo wada dadaal lagu siidaynaayo dadka soomaalida ah ee ku xiran xabsiyadda dalkaasi.
Ganacsatada iyo jaaliyadda Soomaalida ee ku nool wadanka Zambia ayaa wada dadaal ay ku doonayaan in xabsiga looga siidaayo 30 qof oo ku xiran xabsiyadda dalkaasi oo ku Edeysan tahriib.
Maxamed Abshir oo ka mid ah ganacsatadda soomaalida magaalada Luzaka ayaa rajo wanaagsan ka muujiyay in lagu guuleesto siidaynta dadkaasi oo isugu jira Dumar Caruur iyo Dhaliyaro kuwaasoo ciidamada Dalka Zambia ay ka soo qabteen Xuduuda u dhaxaysan Zambia iyo S/Afrika.
Maxamed Abshir ayaa rajadda siidaynta dadkaasi kama dambeys ay tahay maalintta isniinta ee soo socota sida ay isku afgarteen saraakiisha Booliska dalkaasi iyo Xubno ka socday jaaliyadda iyo ganacsatadda Soomaalida dalka Zambia.
Tahriibayashan ayaa laga yabaa maraka laga siidaayo Xabsiga in dib loogu celiyo halkii ay ka soo galeen dalka Zambia oo ah Dalka Tanzania, iyadoo Dowladda Zambia ay horey dib u celisay Qaxooti Soomaaliyeed.
Alshebab oo maanta Mar kale Raashiin iyo Daawo ku gubay Magaalada Muqdisho.
Xarakadda Alshebab ayaa maanta mar kale Raashiin iyo Daawo ay ku sheegn iney dhacday ku gubay Magaalada Muqdisho,kuwaasoo ay dad ganacsato ah ku soo wareejiyeen Ciidamada Xarakadda Alshebab.
Raashiinka maanta lagu gubay Degmada Huriwa ayaa isugu jira Galay iyo Misir kaasoo Xarakadda Alshebab ku sheegeen inuu yahay rashiin Dhacay oo la doonaayo in lagu dhibaateeyo shacabka soomaaliyeed waxa uuna qeyb ka yahay Rashiiinka hay'adda WFP ay ka qeybiso degaano ka tirsan Magaalada Muqdisho.
2 cisho ka hor ayaa Xarakadda Alshebab sidaan oo kale Rashiin ay dalka Keentay hay'ada WFP ugu gubeen magaalada Muqdisho,iyagoona uga shacabka iyo ganacsatadda uga digay waxyaabaha ay dalka keento Hay'adda WFP.
AMISOM oo sheegtay in qaraxyadii shalay ka dhacay Muqdisho ay fashilmeen Ujeedooyinkii laga lahaa isla markaana ay ku geeriyoodeen Xubno sar sare oo ka tirsan Xooggaga ka soo horjeeda Dowladda KMG.
Afhayeenka Ciidamada AMISOM Barejiye Bahuku ayaa ka hadlay qaraxyadii shalay ka dhacay magaalada Muqdisho oo mid ka mid ah lala beegsaday Ciidamada Burundi ee fariisinka ku leh xeradii hore ee Maslax.
Bahuko waxa uu sheegay in qaraxii ka dhacay wadada warshadaha aan wax qasaare ka soo gaarin ciidamada Burundi, askari ka tirsan ciidamada AMISOM xiligaasi aysan joogin goobta uu qaraxa ka dhacay.
Afhayeenka AMISOM waxa kaloo uu sheegay in qarax ka dhacay xaafadda Shiirkolle ay ku geeriyoodeen dad ajaaniib iyo Soomaali isugu oo ka tirsanaa Xoogaga islaamiyiinta ee ka soo horjeeda Dowlada iyo AMISOM, waxa uu yiri 3 ka mid ah dadkaasi waxa ay u dhasheen Pakistan 2 Hindi ah 1 qof oo Aljeria iyo Qof kale oo Soomaali ah.
Barajiyo Bahuko ayaa ku tilmaamay dadka ku dhintay qaraxaasi kuwa doonaayay iney dhibaateeyaan dadka Soomaalida ee Nabadda jecel, laakiin ma dhicin ayuu yiri dadka Nabad jecel Alle ayaa la jira ayuu yiri.
Sidoo kale Afhayeenka AMISOM ayaa ka hadlay qarax kale oo ka dhacay degmada waaberi,waxaa uu yiri waxaa ku geeriyooday qofkii miinada watay oo kaliya dad kale waxba kuma noqon waxa uu ka tirsanaa kuwa nabada u diidan dadka Soomaaliyeed laakiin kuwa nabada jecel ayaa guulaysan doona ayuu yiri Bahuko.
Hadalka Afhayeenka AMISOM ayaa ka dambeeyay ka dib qaraxyo shalay ka dhacay magaalada Muqdisho kuwaasoo la sheegay iney qasaare ka soo gaartay dadkii ku howlanaa qaraxyadaasi.
Mudugnet-News
Xubnihii Dowladda KMG ugu qeybgalay shirkii Addis-Ababa oo maanta dib ugu soo laabtay Muqdisho.
Xubnihii Dowladda KMG uga qeybgalay wada hadaladii Dowladda KMG iyo ururka Ahlu-sunaha klu dhexmaray Magaalada Adis-Ababa ee Xarunta dalka Ethiopia.
Wafdi uu hogaaminaayo wasiirka gaashaandhigga Dowladda KMG Abuukar Mardaadi ayaa maanta ka soo dagay Duhurnimadii maanta garoonka caalamiga ah ee Muqdisho, waxa ayna ka gaabsadeen in wax faahfaahin ah saxaafadda ay ka siiyaan safarkooda.
Xubnaha Wasiirka gaashaandhiga safarkiisa ku wehliyay waxaa ka mid ah wasiirka Amniga Axmed C/salaan iyo wasiiro kale oo ka soo qeybgalay Shirkii Adis-Ababa.
Shirka lagu soo gabagabeeyay Addis-Ababa ayaa ilaa iyo hada si rasmi ah aan loo shaacin Waxyaabihii la soo baxay mar laga reebo hadal;o kooban oo la siiyay saxaafadda oo ay ku sheegeen in shirka uu ahaa mid dib loogu egaayay heshiiskii horey u gaareen Dowladda iyo Ahlu-sunah.
Mudugnet-News
