Khamiis, 19ka Agosto, 2010.
Last updated @ 12:00 pm Eastern Standard Time
Wafdigii ka socday maamulka Galmudug oo maanta ka dhoofay gaaroonka caalamiga ah ee Muqdisho.
Madaxweyne Ku xigeenka maamulka Galmudug State iyo wafdigii uu hogaminaayay oo mudooyinkii la dhafay ku suganaa caasimada dalka soomaaliya ee muqdisho ayaa saakay ka dhoofay garoonka caalamiga ah ee Muqdisho,iyadoo wafdigaasi dib ugu laabtay magaalada Gaalkacyo.
C/Samad Nuur Guuleed oo ah Kuxigeenka Madaxweyanaha Galmudug ayaa saxaafadda Muqdisho la hadlayay ka hor inta aysan ka dhoofin garoonka Muqdisho ayaa ka warbixiyay waxyaabihii uga qabsoomay safarkooda ay ku yimaadeen magaalada Muqdisho iyo Kulamadii ay la yeesheen madaxda sare ee Dowladda, wasiiro iyo qeybaha kala duwan ee Bulshadda Gobolka Banaadir.
Madaxweyne Kuxigeenka Galmudug ayaa sheegay in Mas'uuliyiinta Dowladda ay kala hadleen iskaashiga maamulka G/mudug iyo Dowladda iyo sidii maamulka G/mudug u heli lahaa Xaqa ay ku leeyihiin Dowladda Soomaaliya, sida waxbarshadda, caafimaadka, Amniga iyo hormarinta Adeega Bulshadda Galmudug.
"Waxaa maanta farxad ah in Madaxweyne sharif oo markii hore ku mashquulsanaa Xamar oo kaliya hada uu balan wax la qaban doono maamuladda ka jira dalka ayuu yiri Cabdisamad Nur Guuleed.
Wafdigan oomagaalada Muqdisho ku suganaa Muqdisho bil ah waxaa ka mid ahaa Wasiirka Maaliyadda G/mudug C/laahi Jaamac Dhoore iyo wasiir kuxigeenka Warfaafinta Axmed Baasto.
maamulka Degmada Guriceel oo xabsiga ka siidaayay 20 qof oo u xirnaa Qaraxii dhawaan lala Beegsaday Gudoomiyaha Degmada.
Maamulka Degmada Guriceel ee Ururka Ahlu-Sunah ayaa maanta xabsiga Saldhiga Degmada ka sii daayay 20 qof oo ka mid ah dadkii loo soo qabqabtay Qarax dhawaan ka dhacay magaalada GuriCeel oo lala beegsaday Gudoomiyaha Degmada Cismaan taar dhuleed.
Taliyaha Amaanka Degmada Axmed Odowaa oo ka hadlayay saxaafadda ayaa sheegay in Siidaynta dadkani ay ka dambaysay in ka dib markii wax dambi ah lagu waayay isla markaana ay xabsi wali ku jiraan dad ka badan 40 qof oo looga shakisan yahay Qaraxii ka dhacay Guriceel.
Axmed Odowaa waxa uu intaasi ku daray dadka xiran ay ka mid yihiin shaqsiyaadkii sida tooska ah uga dambeeyay qaraxa,isla markaana ay soo qabteen ciidamada maamulka walxihii qaraxa loo adeegsaday.
3 cisho ka hor ayaa magaalada Guriceel waxaa Qarax lala Eegtay gari uu watay Gudoomiyaha Degmada Cismaan Taardhuleed oo ku dhaawacmay qaraxaasi isaga iyo 2 caruur ah uu dhalay.
AMISOM oo dalbatay in 40 kun laga dhigo tiradda AMISOM ee dalka Soomaaliya.
Taliyaha Ugu sareeya Ciidamada AMISOM ayaa ka dalbaday Ururka Midowga Afrika in Tiradda Ciidamada AMISOM la gaarsiiyo kun oo askari si ay uga guuleestaan Xoogaga islaamiyiinta ee ka dagaalamaya Gudaha Dalka soomaaliya.
Wargeyska The New vission ee ka soo baxa Magaalada Kampala ee dalka Uganda oo soo xiganaya taliyaha Ugu sareeya Ciidamada AMISOM ee Soomaaliya ayaa qoray in AMISOM ay Dalbatay in Ciidamada la gaarsiiyo 40 kun,isla markaana aysan ku tilaamay 8-dii kun ee qoray loo qorsheeyay mid aan ku filnayn nabad kun soo dabaalida dalka soomaaliya oo ku sii xoogeestay Islaamiyiinta.
Xoogaga islaamiyiinta gaar ahaan xarakadda Alshebab ayaa helay awood ciidan oo ka xoog badan sidii hore ayuu yiri sarkaalka AMISOM sidaasi darteed kuma filna 8 kun oo kaskari oo kaliya waa in tiradda Ciidamada la gaarsiiyaa 40 kun.
Dhawaan ayaa hogaamiyaasha Afrika isku afgartay in la dhameestiro tiradii ciidamada AMISOM ee loo cayimay in loo diro dalka Soomaaliya oo 8 Kun la gaarsiiyo,balse hadalka ka soo yeeray AMSOM ayaa u muuqda mid ka duwan Aragtida Hogaamiyaasha Afrika dareenka laga qabo soomaaliya Qaraxdii ka dhacay kampala ka dib oo ay sheegteen mas'uuliyadiisu xarakadda Alshebab waxaa isoo taraayay hadal haynta Xoojinta Ciidamada AMSOM iyo suurta galnimada faragalin kale oo milatari in lagu sameeyo Soomaaliya,kaasoo taageeri ka yeelayaa Mareykanka iyo Dowladaha kale ee isbahysigu yihiin.
Xoogaga islaamiyiinta dagaalka ka wada Dalka soomaaliya ayaa sheegay iney wadi doonaan dalaaka ka dhan ah Joogitaanka AMiSOM iyo jiritaanka Dowladda KMG.
Maamulka Gobolka Banaadir oo sheegay in Dib loo furi doono Suuqa X/weyne.
Gudoomiyaha Gobolka Banaadir Maxamed Axmed Tarsan ayaa sheegay in Maamulkiisa ku howlan yahay sidii dib loogu furi lahaa qeybha kala duwan ee Suuqa X/weyne oo ku xirmay Dagaaldii sokeeye ee ka dhacay dalka.
Gudoomiyaha Gobolka Banaadir ayaa tilmaamay in dhawaan la howlgalin doono Kawaankii Hlibka Xamar weyne, Suuqaii Dharka Bacaadlaha,Suuqii Dahabka iyo bakhaaradii ku yiilay Xamar weyne kuwaasoo aan in mudo ah lagu shaqaynin.
Maxamuud Axmed Tarsan ayaa intaasi ku daray in Isgaarsiin lagu sugaayo Amaanka Goobahaasi lagu xiri doono suuqa X/weyne, si hadii ay dadka dhibaato la kulmaan ula soo xariraan Ciidamada saldhiga Booliska Degmada.
Suuqa Xamar weyne oo ahaan jiray suuqa ganacsiga ugu weyn dalka Soomaaliya ayaa ku burburay dagaaladii sokeeye ee ka dhacay Soomaaliya, in kastoo mudooyin kii ugu dambeeyay ka bilowdeen ganacsi aan badnayn.
Ciidamada Dowladda KMG oo saakay Howlgalo ka sameeyay Degmooyin ka tirsan Gobolka Banaadir.
Ciidamada Dowladda KMG ayaa saakay Howlgalo baaritaan ah ka sameeyay Degmooyin ku yaala Gobolka Banaadir oo ay ku sheegeen in ay ku raad joogaan dad nabad galiyo dari ka wado Degmooyinkaasi.
Degmooyinka Saakay Howlgalada Ciidamada ka sameeyeen oo kala ah Degmada Waaberi iyo Dharkeenlay ayaa Howlgalka Ciidamada waxaa uu Mudo kooban Hakad galiyay Dhaqadhaqaaqii dadka iyo gaadiidka Degmooyinkaasi,in kastoo goor dame dib loo fsaxay Howlihii Shacabka.
Saraakiisha Ciidamada Dowlada ayaa ku sheegay Howlgalkan inuu qeyb ka yahay Howlgaladii Amaanka lagu sugaayay ee maalmihii la soo dhaafay ay ka wadaan Gobolka Banaadir.
shalay waxaa qarax lagula Eegtay Ciidamada Dowladda Xaafadda Xoosh ee Degmada Dharkeenlay,iyadoo maamulka Degmada ay sheegeen in la soo qabtay qofkii ka dambeeyay Qaraxaasi.
Hogaamiyaha dalka Sudan oo dadaalo dhexdhexaadin ka dhex bilaabay Dowladda Soomaaliya iyo Xoogaga ka soo horjeeda.
Sida ay qoreen waraabinta Dalka Sudan waxaa Hogaamiyaha Dalka sudan Cumar xasan Albashiir uu wadaa dadaalo uu ku doonaayo inuu ku dhex dhexaadiyo Dowladda madaxweyne Sharif iyo Xoogaga Mucaaradka ee ka soo horjeeda,iyadoo Madaxweynaha Sudan uu la kulmay wakiilo ka socda Xoogaga Mucaaradka iyo madaxweyanaha Dowladda KMG sharif Sheikh Axmed.
Saxaafadda kama aysan hadlin Cida ay yihiin wafdiga Mucaaradka soomaaliya ee gaaray dalka sudan iyo dhinacyadda ay kala matalayaan,in kastoo si aan rasmi ahayn loo tilmaamay iney yihiin Xubnaha Sudan gaaray wafdi ka socda Ururka Xisbul-islam ee uu hogaamiyo Sheikh Xasan Daahir Aweys.
hadalka Hogaamiyaha Sudan uu siiyay saxaafadda oo ku saabsan arimaha Soomaaliya si faahfaahsan ugama uusan hadlin qorshihiisa Nabadda ee kooxaha isaga soo horjeeda Soomaaliya, balse waxa uu ku gaabsaday inuu gacan ka gaysan oo doono xal u helida dhibaatadda dalka Soomaaliya.
Madaxweyne Bashiir ayaa horaantii todobaadka Magaalada Kharduum ku casuumay Madaxweynaha soomaaliya Sheikh Sharif oo maalintii shalay galinkii dambe Dib ugu soo laabtay magaalada Muqdisho.
Madaxweyne Sharif hadal kooban uu u jeediyay Xubno ka tirsan labada golle ee Dowladda kuma uusan soo hadal qaadin waxyaabihii uu kala soo hadlay Hogaamiyaha Sudan iyo qorshaha Dhexdhexaadinta ah ee uu doonaayo.
Xoogaga Islaamiyiinta ee ka soo horjeeda Dowladda ayaa horay ugu gacan sayray Wada hadal ay galaan Dowladda sheikh Sharif,in kastoo aan la saadaalin karin sida kooxaha Mucaaradka ah ay u aqbali doonaan in iyo kale wada hadal ay la galaan Dowladd KMG.
Xarakadda Alshebab oo tababar Ciidan ku soo gabagabeeyay Gobolka Shabeelaha Hoose.
Maamulka xarakadda Alshebab ee gobolka Shabeelaha ayaa shalay Degaanka Janaalle ee Gobolka shabeelaha Hoose tababar Ciidan ugu soo gabagabeeyay dhalin ka kala socotay qeybaha Bulshada oo ay ku jiraan ganasato.
Gudoomiyaha xarakadda Alshebab ee Gobolka Abuu cabdalle oo saxaafada uga waramay Tababarkaasi Ciidan ayaa sheegay in u jeedada laga leeyahay sidii dadka loo bari lahaa Xeeladaha Ciidanka iyo noocyada Hubka,si buu yiri ay uga qeyb qataan Sugida Amaanka iyo Difaaca Diinta sida uu hadalka u dhigay Abuu cabdalla.
Gudoomiyaha Gobolka Shabeelaha Hoose ee xarakadda Alshebab waxa sidoo kale sheegay in tababar kan la mid ah laga Furay Degmada Baraawe ee gobolka shabeelaha Hoose.
Tababarada Xoogaga islaamiyiinta ee ka soo horjeeda dowladda KMG Soomaaliya ayaa sii kordhayay Mudooyinkii ugu dambeeyay,xili ay diyaar garow ugu jiraan Guluf dagaal oo ka dhan Ciidamada Dowlada iyo Kuwa AMISOM.
