Gen. Cabdi Qaybdiid " Ciddii aan ku qabano Gawaari Muraayada Madow leh waxaan u arkaynaa Nabad diid Argagaxisa ah".

 

MudugNet, Muqdisho. Isniin, June 29, 2009.

Dowlada Federaalka Somalia ayaa ku dhawaaqday in xaalad feejignaan ah lageliyay Ciidankeeda kadib markii ay soo bexeen warar sheegaya in Xoogaga Islaamiyiinta Mucaaradka ah fulinayaan Weeraro is qarxin.
Taliyaha Ciidanka Booliska Dowladda Federaalka Cabdi Xasan Cawaale Qaybdiid oo shir ku qabtay Muqdisho ayaa sheegay in ay Mamnuuceen Isticmaalka Gawaarida leh Muraayadaha Madow hadii ay qabtaana ay u rakaan kuwa Fowda ah.

Cabdi Qeybdiid Taliyaha Ciidamada Booliska ayaa shir jaraa'id uu ku qabtay Muqdisho waxa uu kaga hadlay howlgalo ay shalay iyo maantay ka sameeyen qaar ka mid ah Degmooyinka Magaalada Muqdisho.
Taliyaha waxa uu carabka ku dhuftay in howlgaladaasi ay Ciidamada ku soo qab qabteen kooxo Dambiilayaal ah, isagoo sheegay in ay Maxkamad soo taagi doonaan kooxahasi.

Cabdi qeybdiid waxa uu sidoo kale ka hadlay in howlgaladan ay noqon doonaan kuwo joogta ah, dhawaana dib u soo celin doonaan Amaanka guud ahaan Degmooyinka Magaalada Muqdisho.
Taliyaha Ciidamada Booliska Dowlada KMG ee Soomaaliya Cabdi Xasan Cawaale Qeybdiid waxa uu sidoo kale sheegay in maantay wixii ka danbeeyo ay Mamnuuc tahay in gaari miraayadihiisa madow yihiin lagu arki Karin goobaha ay ku sugan yihiin Ciidamada Dowlada KMG ee Soomaaliya, haddii lagu arkana ay ka qaadi doonaan talaabo adag sida uu hadalka u dhigay.

 
Mudugnet.com Xafiiska Wararka Magaalada Muqdisho