Sheekh Xasan Daahir oo sheegay in ay Guluf dagaal lageli doonaan Ciidan Shisheeye oo Somalia yimaada
 

MudugNet, Muqdisho. Arbaco, June 24, 2009.
 

Hoggaamiyaya Ururka Mucaaradka Xisbul Islaam Sheekh Xasan Daahir ayaa maanta si kulul uga jawaabay baaqii Ciidanka ay ku dalbatay dowladda Federaalka Somalia kadib markii ay xoogaga mucaaradku kusoo siqeen
Sheekh Xasan Daahir Aweys shirkiisa jaraa’id waxa uu uga hadlay arrimo fara badan oo ku salaysan dalka Soomaaliya marxalada uu haatan marayo.

Ugu horaysayn Sheekh Xasan Daahir Aweys waxa uu ka hadlay Dalabka dowlada KMG ee ku aadan in dalka Soomaaliya muddo 24-saacadood ku soo galaan Ciidamo aan kala sooc lahayn oo ka socda dalka Dariska iyo Caalamka intiisa kale

Sheekh Xasan Daahir waxa uu ugu baaqay dalalka dariska iyo wadamada kale ee Caalamka isla markaana qorsheynayaan in dalka Soomaaliya u soo diraan Ciidamo shisheeye in ay ka waantoobaan oo aysan ku soo kahdoomin dalka Soomaaliya.

"Ciidan kasta ee Dalka Soomaaliya la keeno waynu ku jihaadi donaa…waxaana dalalka dariska ugu baaqayaa in ay ka waantoobaan in dalkeena ay yimaadaan, wardalka Soomaaliya inaga ayaa leh" ayuu yiri Sheekh Aweys,
Wadaadkan katirsan Mucaaradka ayaa ku goodiyay in ay hubka sii sida doonaan haddii dalka lakeeno Ciidan shisheeye islamarkaana ay hor istaagi doonaan hana qaadka Dowladda Federaalka Somalia.

Riix halkan si aad u aqriso Bayaanka Ururka Xisbul Islaam

Mudugnet.com Xafiiska Wararka Magaalada Muqdisho Somalia