Burcad Soomaali ah oo Weerar ku qaaday Gaari xamuul ah oo marayay duleedka Magaalada Jowhar

 

MudugNet, Muqdisho. Talaado, June 23, 2009.


Kooxo Burcad ah ayaa dhibaata u gaystay gaari xamuul ah oo ku safrayay meel ku dhaw magaalada Jowhar gobalka Shabeelaha Dhexe oo ay maamulaan Xoogaga Xagjirka Al Shabaab.
Wararka laga helayo magaalada Jowhar ayaa sheegaya in xalay saqdii dhexe maleeshiyo hubaysan ay rasaas ku fureen gaari Bas oo ay saarnaayeen dad safar ah oo ku sii jeeday magaalada Galkacyo xilli uu marayey meel u dhexeysa magaalada Jowhar iyo deegaanka Buurane ee gobolka Sh/dhexe.

Rasaasta ay kooxaha hubaysan ku fureen gaariga ayaa la sheegay inay sababtay geerida 2-qof oo rayid ah halka ay ku dhaawacmeen ku dhawaad 4-qof, waxaana la sheegay in markaa kadib ay kooxaha hubaysan dhac u geysteen rakaabkii saarnaa gaariga iyagoona ka qaatay guud ahaan agabkii ay wateen.

Mid kamid ah rakaabkii saarnaa gaariga oo warbaahinta la hadlay ayaa sheegay in dadkii ku waxyeeloobay rasaasta ay ku fureen kooxaha burcadda ah la dhigay isbitaalka magaalada Jowhar ee xarunta gobolka Sh/dhexe.

Mudugnet.com Xafiiska Wararka Magaalada Muqdish