Maydadka Dad ay dileen Ciidanka AMISOM oo laga helay degmada Kaaraan magaalada Magaalada Muqdisho ? ? ?
MudugNet, Muqdisho. Isniin, June 22, 2009.
Khasaarooyin kala gedisan ayaa shacabka rayidka ah kasoo gaaraya duqaymaha sida arxan darada ah isku dhaafsadeen Ciidanka AMISOM iyo xoogaga Islaamiyiinta ah ee dowlada kasoo horjeed.
Xaafado katirsan degmooyinka Kaaraan iyo Yaaqshiid oo ay shalay AMISOM si daran u duqaysay ayaa saaka laga helay maydad dad qaab dhiig bax ah ugu dhintay halkaasi.
Dad ku sugan degmada Kaaraan ayaa xaqiijiyay in saaka agagaarka Jiira Wacbuudhan laga helay maydadka ilaa iyo 4-qof oo shalay uu madfac kula dhacayt guri ku yaala halkaas.
Wararka ayaa sheegaya in dadka meydadkooda saaka laga helay halkaas ay u geeriyoodeen dhaawac ka soo gaaray duqeyn xooggan oo shalay lala beegsaday qeybo kamid ah degmada Kaaraan ee waqooyiga magaalada Muqdisho.
Dadka dhintay ayaa la sheegay inay ilaalo ka ahaayeen guryo ku yaala degmada Kaaraan oo ay eheladooda ka barakaceen, waxaana ay kamid ahaayeen tiro dad ah oo ku sugan degmada Kaaraan oo ay dagaallo hareeyeen.
Mudugnet.com Xafiiska Wararka Magaalada MuqdishoWarkaani meelow la'a yahay - Tifatire Abtidoon AwBaahalow !
