Ciidamada AMISOM oo Madaafiicdii ugu cuslayd ku garaacay xaafadaha magaalada Muqdisho

 

MudugNet, Muqdisho. Sabti, June 20, 2009.
 

Ciidamada Mabad ilaalinta Midowga Africa ee ku sugan magaalada Muqdisho ayaa bilaabay in ay madaafiic ku garaacaan xaafadaha ay kuwada suganyihiin kooxaha Mucaaradka iyo shacabka.

Duqeyn culus ayaa ku socota degmooyin katirsan magaalada Muqdisho gaar ahaan degmooyinka Yaaqshid iyo Shibis oo ay saaka ka soconayaan dagaallo xooggan oo u dhexeeya ciidanka dowladda KMG ah iyo xoogagga ka horjeeda.

Madaafiic culus ayaa ku dhacaya deegaanada katirsan degmooyinka Yaaqshid iyo Shibis, waxaana madaafiicda inta ugu badan ay ku dhacayaan deegaanka Suuqa Bacaad ee degmada Yaaqshid.

Tiro madaafiic ah oo ku soo dhacay Suuq bacaad ayaa la sheegay inay dad shacab ah ku geeriyoodeen, waxaana weli halkaas ku soconaya duqeynta oo la sheegay inay ka imaanayso dhanka madaxtooyada.

Ciidamada AMISOM ayaa la sheegay inay duqeyn culus oo arxan darro ah ka geysanayaan deegaanada ay ku sugan yihiin dadka shacabka, mana jiro warar faah-faahsna oo ku saabsan khasaaraha dhabta ah ee ka dhashay duqeynta.

Mudugnet.com Xafiiska Wararka magaalada Muqdisho