Madaxweyne Shariif " Dalka waxaa kusoo duulay Al Qaacidda waa in aan iska qabanaa"!

 

MudugNet, Muqdisho. Khamiis, June 18, 2009.
 

Madaxweynaha dowladda Federaalka Somalia Shariif Sheekh Axmed ayaa ka hadlay dagaalada weli ka socdo magaalada Muqdisho iyo dhibaatooyinka ay gaysanayaan wax uu ugu yeeray Argagaxiso.

Shariif Sheekh Axmed oo shir jaraa'id ku qabtay magaalada Muqdisho ayaa sheegay in dowladiisu ay guulo ka gaartay dagaalada Muqdisho islamarkaana ay iska difaaci doonaan xoogaga islaamiyiinta ah.

Madaxweynaha ayaa ku dhaartay in ay meel iska saarayaan xoogaga Islaamiga ah ee qarka u saaran in ay ridaan dowladiisa fadhiidka ah.

"waxaan cadaynayaa in dagaalka socda ay mas'uul kayihiin kuwa shisheeye ah sida Al qaacidda oo doonaysa in Somalia aysan Burburka ka bixin oo ay dhibka kusii jirta, kuwaan calanka Madoow wata miyaa dan soomaaliyeed wada" ayuu yiri madaxweyne shariif.

Mudugnet.com Xafiiska Wararka Magaalada Muqdisho