Gaalkacyo, Khamiis, 9ka September, 2010.
Kulan Ay iskugu Yimaadeen Ururura Waxbarashada ka shaqeeya ee Deegaanada Galmudug oo ka dhacay Xarunta Jaamacadda Mudug University ee Magaalada Gaalkacyo.
Daawo Sawirada
Ururadii waxbarashada ee shirkaasi iskugu yimid ayaa kala ahaa: -
Al-ixsaan, Samatariyah, Al-Mumin iyo SOSDA kuwaasi oo dhamaantood gacanta ku haya inta badan waxbarashada ka jirta deegaanada Galmudug.
Kulankan oo daba socday kulamo dhowr ahaa oo ay wadayeesheen ururadan aan kor ku soo xusnay ayaa looga arinsanayay horumarinta qaybaha kala duwan ee waxbarasha, si gaar ah hirgalinta jaamacada
( Mudug University ) ,
Ka soo qaybgalayaasha shirka oo iskugu jiray qaybaha kala duwan ee bulshada sida: Culimada, Ganacsatada, Aqoonyahanada, Waxagaradka iyo Dhalinyarada kuwaasi oo dhamaantood muhiimna u ahaa mowduuca laga hadlayay ayaa waxaa kadhexmuuqday Sh.Cumar Xasan Cawaale (Awoowe, Sh.Muxyadiin Yuusuf Barre, Sh.Nuurdiin Sh.Xasan Xuseen Naaleeye, Sh.Cismaan Maxamed Macalin, Dr: Maxamed Xaaji Ereg, Ganacsade: Yuusuf Jaamac Ducaale, Ganacsade: Cali-saciid Garaad Nuur iyo xubno kale oo badan.
Gabagabadii kulan ka waxaa halkaa looga dhawaaqay guddi ka kooban 17 xubnood oo iskugu jira dhamaan dhinacyada shirka ka qaybgalay iyadoona howsha gudigaa ay noqon doonto dardar galinta howlaha waxbarashada Galmudug si gaar ah dhaqaajinta howlaha jaamacada ( Mudug University ).
Dadka saadaaliya horumarka Galmudug ayaa ku tilmaamay kulankan in uu yahay guul taariiqi ah oo ay gaareen ururadan ka shaqeeya horumarinta arimaha bulshada sigaar ah waxbarashada.
Waxaa xusid mudan in deegaanada Galmudug ay ku yaalaan in kabadan 32 School kuwaasi oo ay gacanta ku hayaan ururada aan kor ku soo xusnay, marka laga reebo 1 School kaas oo lagu macaabo Al.SHACAB,
War ay si wadajir ah u soo saareen ururadaani ayaa lagu yiri :-
“waxaan taageernay oo aan soo dhaweynaynaa dadaalada ay wadaan aqoonyahanada reer Galmudug ee ku kala nool dalka iyo dibadda dadaalkaas oo ah furitaanka iyo ka shaqaysiinta jaamacada ( Mudug University ), waxaana la garab taaganahay maskax iyo maal”.
Gudiga la magacaabay ayaa durbaba yeeshay kulamo ay uga arin sanayaan dhaqaajinta howlaha jaamacada (Mudug University),
Maxamed C/laahi Cali
Amiin4me@hotmail.com
Galkacyo-Galmudug state-Somalia
