Jaamacadda Mudug University oo ka Qeyb gashay Shirkii Caalamiga ahaa ee Jaamacadaha  Wadamada Afrika iyo Carabta

---

---

MudugNet, Arbaco, 13ka Luulyo, 2011

Jaamacada Mudug University ayaa noqotay jaamacada kaliya ee uga qayb gashay Shirkaas, Wadanka Somalia, iyada oo Wafdiga Jaamacadda Mudug University uga qeyb galaayo shirkaas uu hogaaminayo Dr. Xasan Cali Warsame oo ka mid ah Professorada Wax ka dhiga Jaamacadda Mudug University.

In kastoo ay weli socoto kulamadii gooni goonida ahaa ee u dhexeeyey Madaxda Jaamacada Mudug University iyo Wufuudii jaamacadaha Africa, Carabaha iyo organisationadii ka soo qayb galay shirkaas ayaa Dr Hassan Ali Warsame oo ka socday Jaamacada Mudug university uu halkaas khudbad kasoo jeediyo ku saabsan Heerka Jaamacada Mudug University marayso iyo sida uu u arko in loo horumarin karo waxbarashada Jaamacadaha wadanka guud ahaan.  

Wufuudii meeshaas isugu timid ayaa aad ula dhacay khudbadii qiimaha laheyd ee uu halkaas kasoo jeediyey Dr Hassan Ali Warsame oo ka socday Jaamacada Mudug University.

Waxaa la rajeynayaa in Dr Hassan uu kusoo laabto London sitimaankan. Waqtigaas oo aan idiin soo gudbindoono Listiyada Jaamacada ogolaaday in ay xiriir caalami ah layeeshan iy organizationada kaqayqaadan doona hor u marinta Jaamacada Mudug University

Kala socda sidoo kale akhbariihii shirkaas Website ka Jaamacada www.muduguniversity.com hadii alle idmo

Coordinator

Mudug University

Shirkaan Caalamiga ah ee wax ku oolka ah ee lagu qabtay Magaalada Rabaat ee Caasimadda Boqortooyada Marooko ayaa ku soo beegmaya xilli Todobaadkii hore Jaamacadda Mudug University Sanad Jirsatay, waana wax lagu Faani karo oo Ilaah looga mahad celiyo, MudugNet oo khadka Taleefoonka iyo Aaladda Facebook a ku warsatay qaar ka mid ah ardayda iyo Waalidiinta Jaamacadda Mudug University ayaa aad ula dhacay kalsoonida Buuxda oo ay waalidiinta iyo Ardayda Jaamacaddu u hayaan Jaamacaddooda iyadoo aan anaguna uga marqaati kacnay una sheegnay iney ka nasiib badan yihiin dhalinyarada Dhiggooda ah ee ku dhashay Qurbaha oo aan aadin jaamacad kuwaasoo badankood ku dambeeyay Xabsiyada ama ay la tagtay Xabbad nin Gaal ah oo daroogada ka ganacsada.

Isku soo wada duuboo Jaaliyadda Galmudug ee Dibadda ayaa hambalyo iyo Bogaadin u dirayaan Jaamacadda Mudug University Talaabada Horukaca leh ee ay ku talaabsatay mudada kooban ee jiritaankeeda, iyagoo u rajeeyay horykac intaa dheer iyo Wax qabad aan xadidneeyn .

Cabdirisaaq Cadde
MudugNet Editor, Canada.