Maxaa Ka jira Warbixin Hay'adda Sirdoonka Mareykanku ka qoreen Heshiis Hoosaad Saddex Geesood ah oo dhexmaray Ra'iisulwasaarihii Hore Farmaajo, Wasiirkii hore ee Arimaha Gudaha  iyo Kooxda Alshabaab

MudugNet, St-louis, Missouri, Isniin 25ka July, 2011.

---

---

Tan iyo sidii loo dilay Hogaamiyihii Alqaacida ee Qaaradda Afrika Fazul Abdulla Mohamed ayaa waxaa soo burqanayay Warar isdhaaf dhaaf ah oo si dhaqsiya leh isku buruburinayay waxaan dhib noqotay in la helo war xaqiiqa ah oo la isku haleyn karo, iyadoo Dilkii Fazuul ay xigtay Qaraxii lagu dilay Wasiirkii Arimaha Gudaha ee Soomaaliya Cabdishakuur Macallin Xasan oo ay sidoo kale hareysay Jaha wareer iyo Warar is maan dhaaf ah ah oo ay ka mid ahaayeen in Gabar uu adeer u ahaa ay sameysay ismiidaaminta , Halka Doqonka Murusade ee Dambi kasta oo Alshebaab geystaan Waa Cali dheeree uu yiri Sariirtaan ugu xirnay.

Warbixintan Hay'adda Sirdoonka Mareykanka oo aan anigu akhriyay balse aanan ogolaansho u heysan inaan sidey tahay u baahiyo ayaan ka soo qaadanayaa inta Sharciga waafaqsan ee la ii ogol yahay inaan wax ka sheego lagana heli karo website yo badan Waxaaba ka mid ah waana sida ay hadalka u dhigeen.

Kadib Markii Ciidanka Sirdoonka Mareykanka uu Gacanta ku dhigay Hantidii uu ka Geeriyooday Fazuul iyo Ninkii Darawalka u ahaa oo ay ka mid ahaayeen Taleefoono Mobile ah, Cajalado Video ah iyo Kuwo Maqal ah intaba waxaa dib loo odorosay dhaqdhaqaaqa Fazuul oo markii hore warbixinnada lagu sheegay inuu soo galayay Magaalada Muqdisho Habeenimadii ay ajashiisu soo go'day, oo weliba wararka badankood lahaayeen in uu ku dhacay dabin uu u dhigay ninka Ugu sareeya Alshebaabka Soomaalida ee ay ajaanibtu ku adeegtaan Axmed Godane.

Kadib markii dib loo baaray xiriiradiisii taleefoon ee 3dii bilood ee ka horeysay Habeenkii Geeridiisa Waxaa soo if baxday in Fazuul uu ku noolaa agagaarka suuqa weyn ee Bakaaraha guri ku yaala uuna si caadi ah u dhex gooshi jiray qeybaha Magaalada ee Shabaabku ka talinayeen ilaa inta Shabaabka la gaarsiiyay Jabkii ugu weynaa ee jiritaankooda dagaalkii looga qabsaday Xaruntii hore wasaaradda Gaashaandhigga uuna hogaaminayay Taliyihii Ciidanka Xoogga Dalka Soomaaliyeed ee Xilligaa General Axmed Jimcaale Geedi (Cirfiid) oo halkii billad Sharaf la siin lahaa loogu badalay  Shaqa ka eris isaga iyo Saddexd Generaal oo kale oo kala heystay Ciidamada Ammaanka.

Maalintaas wixii ka dambeeyay Waxaa yaraaday Socodkii Fazuul Taleefoon loggiisa markii la raadraacayna wuxuu ku ekaaday Xaafadda Dayniile iyo agagaarkeeda, Haddaba Kooxda Alshebaab iyagoo ogsoonaa halista ku soo socoto oo ay filanayeen in weerarada ay ku soo fidaan Dayniile ayay aad uga welweleen sidii ay ku badbaadin lahaayeen Fazuul oo isagoon laga shakin Muqdisho Mar uun looga saari lahaa, waxaa soo batay diyaaradaha Mareeykanka oo joog hoose ku duulaya ee dul heehaaba Habeenimadii Dayniile iyo Nawaaxigeeda, waxay halkaas ka saartay in Fazuul la marsiiyo dhabaabaha Qarda jeexa ee ka baxa Dayniile oo aan Gaadiidka dadweynuhu marin toosna u gala magaalooyinka koofurta sida Afgooye iyo Wanla weyn, taasoo ay ka baqayeen diyaaradaha Mareykanka.

Warbixinta Xiisaheeda hadda ayaan u soo biya dhaadhacay, Kooxda Alshebaab oo heysatay dhaqaale aad u fara badan ayna ka go'neyd iney hogaamiyahooda Fazuul sida ugu dhaqsiyaha badan uguna Halista yar looga saaro Xamar  ayaa iyagoo adeegsanaaya Xididnimada Sokeeye ee kala dhexeysay Ra'iisal Wasaarihii Xilligaa Mudane Farmaajo oo Xaaskiisu ay tahay Marwo ka soo jeeda Beesha Murusade oo Awooda Shabaabka ee Muqdisho Gacanta ku hayaan iyagoo ula tagay Qorshe ay ka soo shaqeeyeen muhandasiinta ajaanibta ah ee Alqaacida ee Xamar ku sugnaa (Waa sida warbixintu u dhigtayee), Waxay heshiis Malaayiin doolar ah la galeen Farmaajo iyo Marxuum Cabdishakuur oo ay dhinac socotay hanjabaad ah in Hadii ay ku guul dareystaan Qorshahaan in Naftoodu u maqan tahay, iyadoo Qorsha Dilka Farmaajo iyo CabdiShakuur Loo xil saaray Rag shabaab Darajo sare ka joogay oo ku abtirsada Beelaha Cabsiiye Ceyr iyo Murusade oo ay qaraabo hoose yihiin Xaaska Ra'iisal Wasaare Farmaajo.

Qorhsahan Cilmiyeysan ee xeesha dheer ku qotamay ayaa ahaa in Ciidanka Dowladda ee Jooga aagga Ex-control oo ah kuwo hal Jufo u badan laga Qaado meesha laguna Badalo ciidamo isku dhaf ah ee ka kooban Cabsiiye Ceyr iyo Murusade hadeey diidaana hub ka dhigis lagu sameeyo lana soo wargaliyo Alshebaab si ay weerar ugu Qaadaan marka hore kadibna ciidamada Farmaajo diyaariyay Meesha ula Wareegaan Waxaana la siiyay Liiska magacyada Saraakiisha taliyaasha looga dhigaayo Ex-control oo ahaa rag ka mid ah Ciidanka Dowladda kuna Abtirsada Beesha Cabsiiye  Ceyr iyo Murusade, arintana waxaa xooggeeda Cadaadis lagu saaray Marxuum Cadishakuur oo aan wax xurguf ah kala dhexeyn Jufada ay ka dhasheen Askarta Gacanta ku heysay Amaanka Ex-control Afgooye ilaa Km 4, Halka Farmaajo iska dhigayay mas'uul qaran oo howsha ku socodsiinaayo dikreeto, Marxuum Cabdishakuur na ahaa nin howsha Fulinayay.

Waxaan kala cadeyn inta uu ka ogaa Maadaxweynaha oo warbixintu ay Gabi ahaanba Khad madow marisay, Waxaase warqad amar ah oo kala diris iyo hub ka dhigid ah ka soo baxday Xafiiska Ra'iisal wasaare Farmaajo oo ku aadan Ciidamada Ka howlgala Ex-Control, warqadduna Toos ugu socotay Wasiirka arimaha Gudaha halka cc- Copy ah la siiyay Wasiirka Gaashaandhigga Mudane Faqi iyo Taliyaha Ciidamada oo ay xigta Hoose yihiin Farmaajo.

Intaasi markeey Howshu mareysay ayaa ragii shabaab ka sirdoonka u ahaa ee Xafiiska Ra'iisal wasaaraha ka ag dhawaa ee xidinimada xaajadooda ku dhameystay ayaa hadalkii  la booday una sheeegay Madaxdii Shabaabka in Howshii hirgashay Askartii Ilmaha ku dhaldhalay Ex-control afgooye meesha waa laga qaaday oo rageenii ayaa loo dhiibay.

Waxaa nasiib Darro noqotay Ciidankii Fadhiyay Ex-Control Afgooye iney ka madax  adeegeen Awaamiirtii Ra'iisal Wasaare Farmaajo oo ay diideen iney meel uga baxaan Goobta ay joogaan ayna tahay Waajib Qaran oo ay gudanayaan iney Goobtaas ka difaacaan cadowgooda Alshebaab.

Warbixinta Inta dambe ayaa ah Hadaladii sirdoonku ka Qabteen Ra'iisal Wasaare Farmaajo kadib dilkii Fazuul iyo Qaraxii lagu dilay CabdiShakuur, isagoo difaac nafsi galay oo yiri Qorshahaasi waa jiray waxaana Qorshaheygu ahaa inaan Nolol ku qabto Fazuul oo aan Mareykanka u gudbiyo anigoo gudanaya Waajibka i saaran Muwaadin Mareykan ahaan, mana jirto wax lacag ah oo aan Alshebaab ka qaatay.

Waa tii markiiba qulqulatadii Shirkii Kambaala dhacday Waxaana naga Qarsoonaa Dambiga Farmaajo Galay iyo Waxa keenay in si sharaf dhac ah leh looga qaado xilka iyadoo ujeedada Shirka oo dhan ay ahayd in Labada Shariif la heshiisiiyo, taasoo iyada Ruuxeeda ay leedahay laba macno oo is khilaafsan:

Waa tan horee Farmaajo oo Danihii Mareykanku ka lahaayeen oo aheyd inuu Basaaso Reer Xididkiis oo sirtooda iyo Sheekada shabaab kala dhantaalo laga fushaday wax nafac ah inuusan laheeyna u arkay sidaana Qashinka ugu tuureen.

Ta kalaa waxay tahay in Ay Mareykanku ka badbaadinayeen Alshebaab oo uu lafdhabarka ka jabiyay iyadoo CabdiShakuur si ula kac ah loogu sii daayay oo Marykanku ay daayaceen, Waxse Xaqiiqdu tahay Ilaah uunbaa ku caalim ah, Lacagtase Shabaab laga qaatay waxaa la soo dhigayay Xawaalad ka mid xawaaladaha waaweyn ee ka howlgasha Toronto oo xilliga haatan ah baaritaano ku socdaan una dhow iney Burburto oo lagu kala tago.

Kadib Dilkii Marxuum Cabdishakuur Ciidamada AMISOM ayaa Gabi ahaanba Waxay Guriga Ra'iisalwasaaraha kala baxeen dhamaan Shaqaalihii Guriga oo ay ku jiraan : ilaaladiisii, Cunto kariyaalkiisa iyo Kuwa jardiinka u rusheyn jiray, taasoo marki hore naloogu waramay in AMISOM u sameeyay iney Bahdilaan (Humiliation) Ra'iisal Wasaaraha oo ka dhaga adeegayay  inuu xilka ka dego oo nalooga dhigay in Xabbad Dhafoorka laga saaray oo khasab isku casil la yiri.

Waxaase Warbixintani ifisay in lafihiisa ay ka badbaadinayeen Kooxda Alshebaab oo qorsheysay habkii lagu Khaarijin lahaa, iyadoo ragga ilaaladiisa ay u badnaayeen Beesha ay xididka yihiin ee Murusade

Warbixintaan oo ah mid taxane ah oo in muddo ah aan sii wadi doono hadba sidii aan xogta u soo helno ayaa waxaa diyaariyay Walaalkiin Saami Bile, waxaana ansixiyay oo Soo saaray Khaladaadkana ka dhowray Laashin abtidoon Aw-Baahalow - nin waalan ka dheh......

 

Tifatire Saami Bile (ina san ku neefle) Soomaali Sax iga dheh.