Somalia: General Galaal Yaa U Diray Gobolada Dhexe-Waamaxay ahdaaftu ?

Khamiis, 18ka February 2010.

Muddo hadda laga joogo ku dhawaad labo bilood baa Diyaarad khaas ahi (Special plane) ka qaatay General Mohamed Nur Galaal magaalada Nairobi taasoo ku dajisay Tuulada Guriceel oo katirsan Dhuusa-Mareeb, Gobolka Galguud. Sida dadka siyaasadda Somalia odorasa ay saadaalinayaan, Gen. Galaal wuxuu ku tegay Guriceel qorshe siyaasad ciidan (political military plan) ay soo abuuleen dowladda Xabashida iyo xulufadeeda, qorshahaas oo looga goleeyahay in looga taqaluso dowladda TFG oo uu hoggaamiyo Madaxweyne Sheikh Shariif Sheikh Ahmed.

 
Geynta ay Ethiopia geysay Gen. Galaal Guriceel waxay hor u dhac u ahayd shir ay Xabashidu ku qabatay Addis Ababa shirkaasoo la isugu keenay dowladda TFG iyo kooxda isku magacowda Ahlu Sunna Waljameeca, waxaana soo baxay warar sheegay in Ethiopia ku amartay dowladda TFG in ay awoodda (political power) la wadaagto kooxda Suufiyada. Taas macnaheedu waxaa weeye in Xabashi iyo xulufadeedu ay doonayaan in ay inqilaabaan dowladda TFG kagadaal markii ay ka gaareen dantii ay ka la ahaayeen.
 
Ethiopia iyo xulufadeeda oo aan marna dooneyn in ay Somalia ka dhalato dowlad cagaheeda isku taagta iyo nabad ay helaan umada Soomaaliyeed, ayaa marakan si xoogleh u hubeynaya una maalgalinaya kooxda labaxday Ahlu Sunna Waljameeca si dagaal xoogleh looga huriyo guud ahaan Koonfurta Somalia, dagaalkaas oo u horseeda Koonfurta Somalia burbur,xasuuq iyo barakac dabar go ah dalka Somalia guud ahaan.
 
Fikradaha Xabashi usoo dhiibtay General Galaal waxaa kamid ah in asaga madax looga dhigayo Gobolada dhexe kagadaal markii Ahlu Sunna Waljameeca ay la wareegaan guud ahaan Gobolada dhexe, taasoo ah qiyaali aan marna suurtagal noqon karin marka la eego dagaalada hadda ka oogan gobolada dhexe, heerarka maamul iyo siyaasad oo ay gobolada dhexe kala marayaan, waxaana intaas sii dheer iyadoo aysan jirin wax hishiis ah oo ka dhaxeeya dadyowga ku dhaqan Gobolada dhexe.
 
Ugu dambeyntii, Gen. Mohamed Nur Galaal wuxuu si xoogleh ugu darbanaa dagaaladii iyo qalalaase siyaasadeedkii Somalia ka taagnaa 20-kii sanoo lasoo dhaafay mana ahan shaqsi lagu bartay nabad ka shaqaynta iyo wadanimo balse wuxuu caan ku yahay nin dantiisa gaarkaa u rucleeya meeshay rabto hala gashee. Maanta Gen. Galaal waxaa ku aadanaa in uu u istaago dib u xoreynta dalka Somalia ee ma ahayn in uu isla soo taago gobolo qabiil oo aan isqaban karin hala mideeyo iyadoo ahdaaftu tahay dadyowga gobolada dhexe hala galiyo dagaalo lagu hoobto si awoodda dadyowga gobolada dhexe loo baabiyo waana qorshe ay isla wataan dowladda Xabashida, xulufadeeda iyo Majeerteen.
 
Maamulka iyo dowladda Galmudug waxaa lagudboon in ay ka digtoonaadaan qorshaha isticmaar oo Xabashi iyo xulufadeedu u soo dhiibtay General Galaal waana in dowladda Galmudug lasii xoojiyaa islamarkaasna Suufiyadu ka dambeeyaan dowladda Galmudug iyo ahdaaftii loo sameeyay.
 
Somalia Guul iyo Gobanimo.
 
Waxaa Qoray: Kaarshe Majiid